स्नातकोत्तर तथा एमफिल तहमा छात्रवृत्तिका लागि आवेदन माग

काठमाडौंः पोखरा विश्वविद्यालय मानविकी तथा सामाजिक शास्त्र संकायले स्नातकोत्तर तथा एमफिल तहमा छात्रवृत्तिका लागि आवेदन माग गरेको छ । आंगिक तथा सम्बन्धन प्राप्त कलेज तथा महाविद्यालयहरुमा सञ्चालित स्नातकोत्तर तथा एमफिल कार्यक्रमहरुका लागि आवेदन माग गरेको हो ।

आगामी सेप्टेम्बर २०२२ इनटेक भर्नाका लागि पोखरा विश्वविद्यालय छात्रवृत्तिसम्बन्धी नियमावली २०६५ का आधारमा निशुल्क छात्रवृत्तिका लागि खुला प्रतियोगिताबाट उम्मेदवार छनोट गर्नुपर्ने भएकोले आवदन माग गरिएको जनाएको छ ।

छात्रवृत्ति प्राप्त गर्नका लागि सरकारी वा सार्वजनिक वा सरकारको पूर्ण अनुदानमा सञ्चालित विद्यालयमा अध्ययन गरी कक्षा ६ देखी एसइइ वा एसएलसी उत्तिर्ण गरेका विद्यार्थीलाई आधारभूत रुपमा लक्षित गरिएको सूचनामा उल्लेख गरेको छ । साथै सार्वजनिक विद्यालय तथा संस्थागत विद्यालयबाट एसइइ वा एसएलसी पास गरेका उम्मेदवारहरुका लागि शसर्त प्रतियोगितमा सामेल हुन सक्ने छन् ।

विश्वविद्यालयले तोकेको मापदण्ड पुरा भएका इच्छुक व्यक्तिले प्रतियोगितामा सहभागी हुन कार्तिक १४ गतेसम्म आवेदन दिन सक्ने छन् भने परीक्षा १७ गते सञ्चालन हुनेछ ।

सूचनामा हेर्नुहोस्ः