काठमाडौंः निर्वाचन आयोगले असोज २५ गते जारी गरेको आचारसंहिता प्रति नेपाल राष्ट्रिय शिक्षक सङ्गठनले गम्भिर ध्यानाअर्कण भएको जनाएको छ । आचारसंहिताले विचार र अभिव्यक्तिको स्वतन्त्रता तथा सञ्चारको हक र ट्रेड युनियन खोल्ने हक विपरीत रहेको भन्दै गम्भिर ध्यानाअर्कषण भएको जनाएको हो ।
संगठनले प्रस विज्ञप्ति जारी गर्दै निर्वाचन आयोगद्धारा जारी गरीएको आचारसंहिता २०७९ को नियम ७ (क) र (ख) तथा नियम १० क,ख, र ग मा उल्लेखित आचारसंहितानेपालको संविधानको भाग ३ धारा १७ को २ क को विचार र अभिव्यक्तिको स्वतन्त्रता, धारा १९ को १ को सञ्चारको हक तथा धाराको ३४ को ३को ट्रेड युनियन खोल्ने हक विपरीत रहेको उल्लेख गरेको छ ।
साथै निर्वाचन आयोग लगायत सम्बद्ध पक्षलाई नेपालले आइएलओ अभिसन्धि १९४९ को ९८ लाई हस्ताक्षर गरी पारित गरेको र उक्त अभिसन्धिद्धारा प्रदत्त ट्रेड युनियन भित्रको राजनीतिक अधिकार प्राप्त गरेको जनाएको छ ।
संगठनले संविधान प्रदत्त अधिकारको उपयोगमा कहि कतैबाट पनी नेपालीलाई बञ्चित गर्ने संहिता प्रति पुनर्विचार गर्न, अन्तराष्ट्रिय अभिसन्धिको पालना गर्न र मंसिर ४ गते हुने गइरहेको निर्वाचनलाई निर्वाद रुपमा सम्पन्न गराउन आग्रह गरेको छ । त्यसैगरी सम्पूर्ण शिक्षकहरुलाई संविधान प्रदत्त अधिकार स्वतन्त्रताको हक र ट्रेड युनियन अधिकारको निर्वाध रुपमा प्रयोग गर्न र निर्वाचनलाई सफल बनाउन अपिल गरेको छ । खबरएजुकेशन
प्रतिक्रिया