गोदावरी नगरपालिमा बिस्फोट,एक जनाको मृत्यु

काठमाडौं । कैलालीको गोदावरी नगरपालिका–४ फुलबस्तीमा बिस्फोट हुँदा एक जनाको मृत्यु भएको छ।

आइतबार दिउँसो पितलजस्तो देखिने बस्तु बिस्फोट हुँदा फुलबस्तीका स्थानीय ४० वर्षीय नरबहादुर बिकको मृत्यु भएको ईलाका प्रहरी कार्यालय मालाखेतीका डीएसपी ज्ञानबहादुर विष्टले बताएका छन।

डीएसपी विष्टका अनुसार जंगलमा भेटिएको वस्तु आगोमा तताउँदा पड्किएर बिकको मृत्यु भएको हो।

घटनाका विषयमा प्रहरीले थप अनुसन्धान गरिरहेको डीएसपी विष्टले जानकारी दिएका छन। अहिले प्रहरी टोली घटनास्थलतर्फ जाँदैछ।