सुनको मूल्य लगातार बढ्दो, आज कति पुग्यो ?

काठमाण्डौः आज आइतबार नेपाली बजारमा सुनको मूल्य बढेको रहेको छ ।

गत शुक्रबार प्रतितोला ९६ हजार ७०० रुपैयाँमा कारोबार भएको सुनको मूल्य आज आईतबार प्रतितोला ९७ हजार ३०० रुपैयाँमा कारोबार हुने सुनचाँदी व्यवसाय महासङ्घले जनाएको छ ।

गत शुक्रबारको तुलनामा आजा आईतबार सुनको मूल्य प्रतितोला ६०० रुपैयाँले बढेको हो । गत शुक्रबार भने १३०० रुपैयाँले बढेको थियो ।  महासङ्घका अनुसार आज तेजाबी सुन प्रतितोला ९६ हजार ८०० रुपैयाँमा कारोबार भइरहेको छ ।

यस्तै चाँदीको मूल्य पनि बढेको छ । गत शुक्रबार प्रतितोला १ हजार २९५ रुपैयाँमा कारोबार भएको चाँदी आज तोलामा ५ रुपैयाँले बढेर प्रतितोला १ हजार ३०० रुपैयाँमा कारोबार हुने महासङ्घले जनाएको छ ।