स्वीकृति नलिई विद्यार्थी भर्ना गरिए कारबाही गर्ने सीटीईभीटीको चेतावनी

काठमाडौं : प्राविधिक शिक्षा तथा व्यावसायिक तालीम परिषद् (सीटीईभीटी) ले सम्बन्धन तथा स्वीकृति नलिएका शिक्षण संस्थामा भर्ना नगर्न आग्रह गरेको छ । केही शिक्षण संस्थाहरुले सम्बन्धन तथा स्वीकृति नलिई विभिन्न कार्यक्रममा विद्यार्थी भर्ना आह्वान गरेपछि भर्ना नगर्न आग्रह गरेको हो ।

प्राविधिक शिक्षा तथा व्यावसायिक तालीम परिषद् ऐन २०४५ तथा परिषद् नियमावली २०५१ अनुसार प्रमाणपत्र –डिप्लोमा तह सम्मका कार्यक्रम सञ्चालन तथा स्वीकृति दिने कानुनी अधिकार परिषद् समक्ष रहेकोमा यस परिषद्बाट सम्बन्धन तथा स्पकृति नलिइ केही शिक्षण संस्थाले नलिइ सम्बन्धन तथा स्वीकृति नलिई विभिन्न कार्यक्रममा विद्यार्थी भर्ना आह्वान गरेकोमा गम्भीर ध्यानाकर्षण भएको जनाएको छ ।

साथै ‘प्रचलित प्राविधिक शिक्षा तथा व्यावसायिक तालीम परिषद् ऐन २०४५, परिषद् नियमावली २०५१ विपरीत हुने गरी विद्यार्थी तथा प्रशिक्षार्थी भर्ना गरेको पाइएमा कानुन बमोजिम कारबाही हुने विज्ञप्तिमा उल्लेख गरेको छ ।