कालिका लघुवित्तले १९ प्रतिशत बोनस सेयर दिने

काठमाडौंः कालिका लघुवित्त वित्तीय संस्थाले गत आर्थिक वर्षको नाफाबाट आफ्ना सेयर सदस्यलाई १९ प्रतिशत बोनस सेयर दिने भएको छ । कम्पनीको आर्थिक वर्ष २०७८७९ को नाफाबाट चुक्ता पुँजीको १९ प्रतिशत बोनस सेयर लाभांश दिने भएको हो ।

साथै कर प्रयोजनका लागि १ प्रतिशत नगद लाभांश दिने प्रस्ताव समेत लघुवित्तले गरेको छ ।  शुक्रबार बसेको लघुवित्त सञ्चालक समिति बैठकले यस्तो निर्णय गरेको हो ।

प्रस्तावित लाभांश भने नियामक राष्ट्र बैंकबाट स्वीकृत भएपछि संस्थाको वार्षिक साधारणबाट पारित भएपछि सेयर धनीहरुलाई वितरण हुनेछ ।