भारतमा कोरोनाबाट मृत्यु हुनेको संख्या ७४९ पुग्यो, २३ हजार भन्दा धेरै संक्रमित

काठमाडौं । भारतमा कोरोना भाइरस संक्रमितको संख्या बढेर २३ हजार ७७ पुगेको छ । केन्द्रीय स्वास्थ्य एवं परिवार कल्याण मन्त्रालयले जारी गरेको नयाँ तथ्याङ्क अनुसार अहिलेसम्म ७१८ जनाको मृत्यु भएको छ ।

चार हजार ७ सय ४९ जना उपचारपछि निको भएका छन् । भारतमा संक्रमितको सबैभन्दा धेरै संख्या महाराष्ट्रमा छ ।

त्यहाँ ६४३० जनामा संक्रमण फैलिएकोमा २८३ जनाको मृत्यु भइसकेको छ ।

यस्तै गुजरातमा ११२ जना तथा दिल्लीमा ५० जनाको मृत्यु भएको छ भने मध्य प्रदेशमा ८३ जनाको मृत्यु भएको छ ।