प्रचण्ड-नेपाल गठबन्धनको यसरी हावा खुस्क्याइदिए ओलिले, गरे यी निर्णय

काठमाण्डाैं। सत्तारूढ नेपाल कम्युनिष्ट पार्टी (नेकपा) सचिवालय बैठक सम्पन्न भएको छ । प्रधानमन्त्री निवाश बालुवाटारमा सम्पन्न सचिवालय बैठकले पार्टीको आन्तरिक विवाद समाधान गर्ने विषयमा छलफल भएको प्रवक्ता नारायणकाजी श्रेष्ठले जानकारी दिए ।

शनिवार साँझ साँढे पाँच बजे शुरू भएको बैठक तीन घण्टासम्म चलेको थियो । निर्धारित समय भन्दा डेढ घण्टा ढिलो गरी बसेको बैठकमा प्रधानमन्त्री एवं नेकपा अध्यक्ष केपि शर्मा ओलिले पार्टी एकतालाइ कमजोर पार्ने कुनै पनि कृयाकलापमा संलग्न नहुने  र सरकारले जनताको पक्षमा काम गर्ने बाताबरण बनाउन अघि बढ्ने भन्दै आत्मालोचना गरेको  प्रवक्ता श्रेष्ठले बताए ।

त्यसैगरी अर्का अध्यक्ष पुष्पकमल दाहाल प्रचण्डले पार्टी संचालनका विषयमा भएका कमजोरीबारे बैठकमा क्षमायाचना गरेका थिए । आन्तरिक विवाद र संकटहरु समाधान गर्नेगरी एकतावद्ध भएर पार्टी एकताको पक्षमा दृढ हुँदै मजबुद र सुढृढ बनाउनेतर्फ सबै एकरुप भएर लाग्ने निर्णय आजको बैठकमा भएको प्रवक्ता नारायणकाजी श्रेष्ठले सञ्चारकर्मीहरलाइ बताए ।

पार्टीको मार्गनिर्देशनमा सरकार संचालन गर्ने र सरकारले देश र जनताको पक्षमा समाजवाद उन्मुख आर्थिक लक्ष्य हासिल गर्ने गरी काम गर्दे दिशामा अघि बढ्ने निर्णय भएको प्रवक्ता श्रेष्ठले जानकारी दिए ।  साथै, अन्य सचिवालय सदस्यहरुले पनि पार्टीको पछिल्लो गतिविधि प्रति जिम्मेवार बन्दै आत्मालोचना गरेको उनले बताए । बैठकले पार्टीलाई फुट उन्मुख गराउने कुनै पनि क्रियाकलापमा सहभागी नहुन नेता कार्यकर्तालाई निर्देशन समेत दिएको छ । बैठकमा प्रधानमन्त्री एवं अध्यक्ष केपि शर्मा ओलिले

उपाध्यक्ष बामदेव गौतमलाई उपर्युक्त समयमा प्रतिनिधिसभामा लैजाने बताएका थिए । पार्टीको भावी कार्यदिशाको बिषयमा छलफल गर्न २४ बैशाखमा सचिवालय बैठक बस्ने  र लगत्तै स्थायी कमिटीको बैठक बैशाख २५ गते बोलाउने निर्णय भएको प्रवक्ता नारायणकाजी श्रेष्ठले जानकारी दिएको ।

दुबै अध्यक्षको संयुक्त अध्यक्षामा बसेको बैठकमा उपाध्यक्ष बामदेब गौतम, बरिष्ठ नेताद्धय झलनाथ खनाल र माधब कुमार नेपाल, महासचिव बिष्णु पौडेल, प्रबक्ता नारायणकाजी श्रेष्ठ, रक्षामन्त्री ईश्वर पोख्रेल, गृहमन्त्री राम बहादुर थापा लगायतको उपस्थिति रहेको थियो ।