सरकारी विद्यालय सुधार्ने प्राचार्य सम्मानित

काठमाडौं । सामुदायिक विद्यालयमा रहेर पु¥याएको योगदानको कदर गर्दै राजधानीको तिलिङगीटार माध्यमिक विद्यालयका प्राचार्य सरोज कुमार पाण्डेलाई सम्मान गरिएको छ ।

प्रजातपति प्रसाई (पी.पी)प्रतिष्ठानले राजधानीमा एक कार्यक्रमको आयोजना गर्दै पाण्डेलाई प्रदेश नं ३ बाट प्रजातपति प्रसाई (पी.पी)उत्कृष्ट क्षेत्रिय शिक्षक पुरस्कार प्रदान गरिएको थियो ।

शिक्षा मन्त्री गिरिराजमणी पोखरेलको प्रमुख आतिथ्यमा सम्पन्न भएको सो कार्यक्रममा गुल्मीकी थपमाया पुनलाई राष्ट्रिय पुरस्कारबाट सम्मान गरिएको थियो ।

कार्यक्रममा प्रमुख अतिथि पोखरेलले सामाुदायिक विद्यालयहरुले यस्तै राम्रो काम गर्दै गए मुलुकको सरकारी विद्यालयको अवस्था दयनीय नहुने उल्लेख गर्नुभयो ।

उहाले सबै विद्यालयले पुरस्कृत शिक्षक र विद्यालयलाई हेरेर अघि बढ््न समेत आग्रह गर्नुभयो । कार्यक्रममा पुरस्कृत प्राचार्य पाण्डेले आफुले सँधै विद्यालय र विद्यार्थीलाई केन्द्रमा राखेर काम गरिरहेको बताउनुभयो ।

राजधानीको धापास हाईटमा रहेको सो विद्यालयमा पढ््नका लागि विद्यार्थीको भीड लाग्ने गरेको छ । सरकारी विद्यालय भएपनि प्राइभेटको भन्दा राम्रो र गुणस्तरीय पढाई हुने भएपनि हुने खानेका छोराछोरी समेत सो विद्यालयमा पढ््न जाने गरेका छन् ।

विद्यालयमा यो अवस्था ल्याउनका लागि प्राचार्य पाण्डेको योगदान रहेको भन्दै उहालाई सम्मान गरिएको आयोजक संस्थाले जनाएको छ ।