गण्डकी प्रदेशको बजेट अधिवेशन आह्वान

काठमाडौंः गण्डकी प्रदेश सभाको बजेट अधिवेशन शुक्रबारका लागी आह्वान भएको छ । सरकारको सिफारिसमा प्रदेश प्रमुख पृथ्वीमान गुरुङले अधिवेशन आह्वान गरेका हुन् ।

शुक्रबारदेखि विनियोजन विधेयक २०८० को प्राथमिकता र सिद्धान्तलाई अर्थमन्त्री जीत प्रकाश आले मगरले संसदमा टेबल गर्ने छन् । मुख्यमन्त्री सुरेन्द्रराज पाण्डे नेतृत्वको सरकारले पूर्णता पाएसँग आर्थिक वर्ष २०८०/८१ को बजेटमाथि छलफल हुन लागेको हो ।

विनियोजन विधेयक टेबल गरेपछि अर्थमन्त्री मगरले बजेटमाथिको सिद्धान्त र प्राथमिकता सभामा प्रस्तुत गर्नेछन् । शुक्रबार नै प्रदेश सभाले नियमावली समितिको कार्यविधि पनि थप्ने छ ।