असार २१, २०८२ शनिबार
July 5, 2025
न्युज डेस्क
२०७७ जेठ ९, शुक्रबार
काठमाडौं । स्पेनिस शीर्ष डिभिजन फुटबल ला लिगा आगामी १२ जुनदेखि शुरु गर्ने गरी तयारी छ ।
कोरोना भाइरसको महामारीका कारण रोकिएको खेल सुरु हुँदा सेभिया डर्बी अन्तर्गत सेभिया र रियल बेटिसबीचको खेलबाट सुरु हुनेछ ।
स्पेनिस अनलाइन मार्काले १२ जुनमा उक्त खेल स्टाडियो रामोन सान्चेज पिजुअनमा हुने जनाएको छ । उक्त खेलबारे जानकारी एक स्पेनी रेडियोले दिएकोछ ।
ला लिगा मार्च देखि स्थगित छ । मार्काका अनुसार ला लिगाको बाँकी ११ चरणको पूरा खेल तालिका यही २८ मे मा २० क्लबलाई पठाइने छ ।
सेभियाका स्पोर्टिङ डिरेक्टर मोचीले पनि डर्बीमार्फत खेलमा पर्नु राम्रो हुने बताएका छन् । ‘डर्बीमार्फत ला लिगा फर्कनु भन्दा अरु राम्रो तरिका हुन सक्दैन’ मोचीले भने ।
ला लिगाका अध्यक्ष ज्याभिएर तेबासले आफ्नो आइडल डेट १२ जुनलाई नै मानेका छन् । तर यसका लागि स्पेनी सरकाले अनुमति दिनुपर्नेछ ।
जुन दोस्रो साता ला लिगा मैदान फर्काउने गरी स्पेनमा बार्सिलोना रियल मड्रिड लगायत क्लबहरुले हेल्थ प्रोटोकोल फलो गर्दै सानो समूहमा प्रशिक्षण नै शुरु गरिसकेका छन् ।
प्रशिक्षणअघि ला लिगाका खेलाडीहरुको कोभिड १९ परीक्षण गरिएकामा ५ जनालाई कोभिड १९ पोजिटिभ देखिएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया