मंग्सिर ६, २०८३ आइतबार November 22, 2026

लमजुङका स्थानीय तहमा पशु पूर्णखोप कार्यक्रम

पहिलो चरणमा स्थानीय तहमा पालिएका पशुपक्षीको गणना गरी संख्या एकीन गर्ने र खोप लगाउने कार्यक्रम हुँदै

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः लमजुङका सबै स्थानीय तहमा पशु पूर्णखोप कार्यक्रम सञ्चालन हुने भएको छ । गत आर्थिक वर्षमा जिल्लाका पाँचवटा स्थानीय तहमा मात्रै सञ्चालन भएको सो कार्यक्रम चालु आर्थिक वर्षमा जिल्लाका आठवटै स्थानीय तहहरुमा सञ्चालन हुने भएको हो ।

उक्त कार्यक्रमका लागि गण्डकी प्रदेश सरकारले एककरोड ४४ लाख रुपियाँ बजेट विनियोजन गरेको भेटेरीनरी अस्पताल तथा पशुसेवा विज्ञ केन्द्र लमजुङका प्रमुख डा.रुपेश श्रेष्ठले बताउनुभयो । कार्यक्रम कार्यन्वयनका लागि कार्यविधि अनुसार गडक तथा खोपकर्ताहरु छनौटको क्रम शुरु भईसकेको डा.श्रेष्ठको भनाइ छ ।

पशु पूर्णखोप कार्र्यक्रम अन्तर्गत गत आर्थिक वर्षमा लमजुङका करिव डेढलाख पशु चौपायले खोप पाएका थिए । गत आर्थिक वर्षमा पशु पूर्णखोप कार्यक्रम कार्यन्वयन भएका पाँच स्थानीय तहमा एक लाख ४५ हजार एकसय ५३ पशु चौपायमा खोप लगाईएको भेटेरीनरी अस्पताल तथा पशुसेवा विज्ञ केन्द्र लमजुङले जनाएको हो ।

गत आर्थिक वर्षमा जिल्लाको मध्यनेपाल, बेसीशहर, सुन्दरवजार, राईनास र क्होलासोँथारमा सो कार्यक्रम सञ्चालन भएको थियो । कार्यालयका अनुसार जिल्लामा सवैभन्दा बढी मध्यनेपालमा ४० हजार ४० वटा पशु चौपायाले खोप पाएका छन् । सो बाहेक बेसीशहरमा ३४ हजार तीनसय २३ र सुन्दरवजारमा २९ हजार चारसय ७२ पशु चौपायले खोप पाएका छन् । यस्तै राईनासमा २४ हजार चारसय ८० र क्होलासोँथारमा १६ हजार आठसय ३८ पशु चौपायाले खोप पाएको कार्यालयले जनाएको छ ।

गत आर्थिक वर्षमा पाँचवटा स्थानिय तहहरुमा पशु पूर्णखोप कार्यन्वयनमा सञ्चालन भएपनि उक्त वर्ष पूर्णखोप युक्त पालिका घोषणा भएको थिएन । कार्यक्रम सञ्चालन भईरहँदा जिल्लामा देखिएको अफ्रिकन स्वाईन फिवरका कारण खोप प्रभावित भएको भन्दै सो वर्ष कुनैपनि पालिकालाई पूर्णखोप युक्त पालिका घोषणा नगरीएको कार्यालयले जनाएको छ ।

गण्डकी प्रदेश सरकारले शुरुका वर्षमा जिल्लाका दुई स्थानीय तहमा पशु पूर्णखोप कार्यक्रम सञ्चालन गरेको थियो । अघिल्लो आर्थिक वर्ष बेसीशहर, सुन्दरवजार र मध्यनेपालमा पशु पूर्णखोप कार्यक्रम सञ्चालन भई सम्वन्धीत स्थानीय तहहरुलाई पशु पूर्णखोप युक्त पालिका घोषणा गरीएको थियो ।

शुरुको बर्षमा मध्यनेपाल र बेसीशहर नगरपालिकामा कार्यक्रम सञ्चालन भएको थियो भने दोस्रो वर्ष सुन्दरवजारमा पनि सोही कार्यक्रम थप भएको थियो । गत आर्थिक वर्षमा भने जिल्लाको क्होलासोँथार गाउँपालिका सहित चारवटा नगरपालिकामा पशु पूर्णखोप कार्यक्रम सञ्चालन भएको थियो ।

कार्यक्रमअन्तर्गत जिल्लाका व्यवसायिक फार्महरुमा गाईभैसी, भेडा बाख्रा, बंगुर, कुकुर, विरालो एवं कुखुराहरुमा आवश्यक सवै खाले खोप लगाउने गरीएको कार्यालयले जनाएको छ । पहिलो चरणमा स्थानीय तहमा पालिएका पशुपक्षीको गणना गरी संख्या एकीन गर्ने र खोप लगाउने कार्यक्रम हुँदै आएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार