मंग्सिर ६, २०८३ आइतबार November 22, 2026

निःशुल्क एम्बुलेन्स सेवा प्रभावकारी बन्दै

लाभ लिने विपन्न र गरिबहरू दिनदिनै बढ्दै

शेयर गर्नुहोस:
फन्ट परिवर्तन गर्नुहोस: अ अ अ

काठमण्डौः नेपालगन्ज उपमहानगरपालिकाले गत साउन १ गतेदेखि सुरु गरेको निःशुल्क एम्बुलेन्स सेवा यहाँ प्रभावकारी बन्दै गएको छ । सो सेवाबाट लाभ लिने विपन्न र गरिबहरू दिनदिनै बढ्दै गएका छन् ।

विशेषगरी विपन्न र गरिबहरूका लागि सुरु गरिएको निःशुल्क एम्बुलेन्स सेवाबाट आवश्यक परेको बेला सबैले लाभ पाइरहेको उपमहानगरपालिकाले जनाएको छ । नेपालगन्ज उपमहानगरपालिकाका उपप्रमुख कमरुद्दीन राईले एक महिनाको अवधिमा ५० जनाभन्दा बढी विपन्न र गरिबले अति आवश्यक परेको बेला निःशुल्क एम्बुलेन्स सेवा लिएको बताउनुभयो ।

उहाँले एम्बुलेन्स सेवा सुरु गरिएपछि विपन्न र गरिबलाई आपत्कालीन अवस्थामा अस्पताल पुग्न निकै सहज भएकोले यहाँ यो सेवा निकै प्रभावकारी बन्दै गएको बताउनुभयो । उपप्रमुख राईले थप्नुभयो, “नगरभित्र मात्रै होइन कोही असाध्यै गरिब र असहायले अनुरोध गर्दा नगर बाहिरसम्म पनि सेवा दिने गरेका छौँ ।” सो निःशुल्क एम्बुलेन्स सेवा २४ सै घण्टा सञ्चालनमा रहेको उपमहानगरपालिकाले जनाएको छ ।

नेपालगन्ज उपमहानगरपालिकाले गत साउन १ गतेबाट बाँकेमै पहिलो पटक २४ सै घण्टा निःशुल्क एम्बुलेन्स सेवा सुरु गरेको थियो । नेपालगन्ज उपमहानगरपालिकाका अनुसार गरिब, असहाय, प्रसूति सेवा लिने महिला, अपाङ्गता भएका, ज्येष्ठ नागरिक र आकस्मिक सेवाका बिरामीलाई घरदेखि अस्पतालसम्म पुर्‍याउन सुरु गरिएको सो सेवाबाट धेरै जना लाभान्वित भइरहेका छन् ।

यो सेवाले गर्दा विपन्न र गरिब बिरामीहरूको अस्पतालसम्म समयमै सहज पहुँच पुगेको पाइएको छ । नेपालगन्ज उपमहानगरपालिकाका प्रमुख कार्यकारी अधिकृत शिव प्रसाद रिजालले भन्नुभयो, “पैसा नभएका बिरामीलाई अस्पतालसम्म पुग्न कुनै कठिनाइ नपरोस् भन्ने उद्देश्यले यो सेवा चौबिसै घण्टा उपमहानगरपालिकाले सञ्चालनमा ल्याएको हो, यसबाट गरिब र विपन्नले फाइदा पाउन थालेको हुँदा निकै खुसी लागेको छ ।”

निःशुल्क एम्बुलेन्स सेवा सञ्चालनमा आएपछि निकै सहज भएको स्थानीय सेवाग्राहीको प्रतिक्रिया छ । उनीहरूले आवश्यक परेको बेला तत्काल एम्बुलेन्स आउने र निःशुल्क सेवा पनि पाउने गरेको जनाएका छन् । नेपालगन्ज १ धम्बोझीका सुरेश गुप्ताले पैसा नभएको र आपत् परेको बेला उपमहानगरको निःशुल्क एम्बुलेन्सको सहयोग पाउँदा बिरामीको ज्यान जोगिएको बताउनुभयो । उहाँले यस्तो सेवालाई जिल्लाका सबै पालिकाले सुरु गर्नुपर्ने सुझाव पनि दिनुभयो ।

सोही प्रकारको प्रतिक्रिया दिँदै नेपालगन्ज ४ सल्यानी बागका इरफान शेषले पहिलो पटक निःशुल्क र समयमा एम्बुलेन्स सेवा पाउँदा आफ्नो गर्भवती पत्नीले समयमै उपचार पाएको बताउनुभयो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार