मंग्सिर ६, २०८३ आइतबार November 22, 2026

कालीकोटमा भाइरल ज्वरोका बिरामी बढ्न थालेसँगै अस्पतालमा बेडको अभाव

अस्पतालमा भाइरल ज्वरोका बिरामी बढे

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः कालीकोटमा भाइरल ज्वरोको सङ्क्रमण बढेको छ ।  गाउँमा भाइरल ज्वरोका बिरामी बढ्न थालेपछि अस्पतालमा बिरामीको चाप पनि बढेको छ ।

हप्ता दिनसम्म ज्वरो निको नभएपछि ११ कोष टाढा रास्कोट नगरपालिका, शान्नीत्रिवेणी गाउँपालिका लगायतका स्थानीय तहबाट बिरामी जिल्ला अस्पताल आउन थालेका छन् ।

भाइरल ज्वरोका बिरामीको चाप बढेपछि अस्पतालमा बेडको पनि अभाव हुन थालेको छ । आइतबार इमर्जेन्सी वार्डमा बेड अपुग हुँदा बेन्च राखेर बिरामीको उपचार थालिएको अस्पतालले जनाएको छ ।

स्वास्थ्य सेवा कार्यालय कालीकोटका निमित्त व्यवस्थापक डा. सङ्केत विश्वकर्माले नयाँ भवन बन्न धेरै समय लागेका कारण अस्पतालमा बिरामीलाई बेड अपुग हुनेगरेको बताउनुभयो । ‘अहिले सिजनल भाइरल ज्वरो फैलिएको छ, बिरामी दैनिक दुईसयको हाराहारीमा अस्पताल आउनेगरेका छन्, अस्पतालमा बेडको अभाव भइरहेको छ’ डाक्टर विश्वकर्माले बताउनुभयो ।

सान्नीत्रिवेणी गाउँपालिका–२ का अनिल विष्टले आफ्नो दाजु बिरामी भएको तीन दिनसम्म पनि ज्वरो निको नभएकाले जिल्ला अस्पतालमा आउनुपरेको बताउनुभयो । अस्पतालमा बेड अपुग भएर दिनभरि बेन्चमा बिरामीलाई राख्नुपरेको गुनासो गर्नुभयो ।

इमरजेन्सी वार्डमा बिरामीको चाप निकै बढिरहेको छ । अस्पतालका डाक्टर अप्सरा हमालले गाउँमा भाइरल ज्वरो फैलिएका कारणले अस्पतालमा पनि बिरामीको सङ्ख्या वृद्धि भएको सुनाउनुभयो । आइतबार दुई सय नजिक बिरामीले ओपिडी सेवा लिएका थिए भने त्यसमा ज्वरोका मात्र एकसय बिरामी रहेको अस्पताल चिकित्सकको भनाइ छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार