कार्तिक २७, २०८३ शुक्रबार
November 13, 2026
युग खबर
२०८० कार्तिक ६, सोमबार
काठमाडौंः चीन भ्रमणमा रहेका बेला हृदयाघात भएपछि अस्पताल भर्ना भएका उपप्रधानमन्त्री एवम् गृहमन्त्री नारायणकाजी श्रेष्ठ डिस्चार्ज भएका छन् । मन्त्री श्रेष्ठ पाँचदिने उपचारपश्चात् सोमबार डिस्चार्ज भएका हुन् ।
उनको सचिवालयका अनुसार उनी कात्तिक ८ गते बिहान स्वदेश फर्कने छन् । त्यसअघि उनी कात्तिक ३ गते स्वदेश फर्किने तालिका रहेपनि बिरामी भएकाले ८ गते मात्रै स्वदेश फर्किने भएका हुन् ।
बीआरआईसम्बन्धी कार्यक्रममा सहभागी हुन चीनको राजधानी बेइजिङ गएको बेला उनलाई हृदयाघात भएको थियो । लगत्तै उनलाई बेइजिङस्थित पेकिङ युनियन मेडिकल कलेजमा अस्पतालमा भर्ना गरिएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया