कोशी प्रदेशका विनाविभागिय मन्त्रीले पाए मन्त्रालयको जिम्मेवारी

काठमाण्डौंः कोशी प्रदेशको मन्त्रीपरिषद विस्तार भएको छ। कोशी प्रदेशका मुख्यमन्त्री केदार कार्कीले आइतवार मन्त्रीपरिषद विस्तार गर्दै मन्त्रीहरूलाई जिम्मेवारी दिएका हुन्।

मुख्यमन्त्री कार्कीले काँग्रेसबाट मन्त्री बनेका शमशेर राईलाई आन्तरिक मामिला तथा कानुन, माअ‍‍ेवादी केन्द्रबाट मन्त्री बनेका गणेश प्रसाद उप्रेतीलाई पर्यटन, वन तथा वातावरण र एकीकृत समाजवादीबाट मन्त्री बनेका कमल प्रसाद जबेगुलाई भौतिक पूर्वाधार तथा यातायात मन्त्रालयका जिम्मेवारी दिएका हुन्।

आर्थिक मामिला तथा योजना मन्त्रालय, उद्योग, कृषि तथा सहकारी मन्त्रालय, खानेपानी, सिँचाइ तथा ऊर्जा मन्त्रालय, सामाजिक विकास मन्त्रालय र स्वास्थ्य मन्त्रालयको जिम्मेवारी भने मुख्यमन्त्री कार्कीले आफैैंसँग राखेका छन्।