भारत कोरोना अति प्रभावित देशको सूचीमा चौथो नम्बरमा

एजेन्सी । कोरोना भाइरसको संक्रमण भारतमा ह्वात्तै बढेको छ । पछिल्लो २४ घन्टामा भारतमा ११ हजार १ सय २८ जना संक्रमित थपिएका छन् । कोरोनाबाट पछिल्लो २४ घन्टामा ३ सय ९४ जनाले जयान गुमाएका छन् ।

भारतमा संक्रमितको संख्या २ लाख ९८ हजार २ सय ८३ पुगेको छ । ज्यान गुमाउनेको संख्या पनि बढेर ८ हजार ५ सय १ पुगेको भारतको स्वास्थ्य मन्त्रालयले जनाएको छ ।

भारतले स्पेन र बेलायतलाई पनि उछिनेको छ । अब भारत कोरोना अति प्रभावित देशको सूचीमा चौथो नम्बरमा छ । भारतभन्दा अगाडि अमेरिका, ब्राजिल र रसिया रहेका छन् । भारतले इटली, स्पेन, बेलायत, फ्रान्स, पेरु, जर्मनी, इरानलगायतका प्रभावितदेशलाई उछिनेको छ ।

लकडाउन खुकुलो पारेसँगै भारतमा संक्रमितको संख्या ह्वात्तै बढेको पाइएको छ । परीक्षणको दायरा बढाउँदै लैजाँदा यो संख्या झन् झन् बढ्ने अनुमान गरिएको छ ।