राप्रपाले महेन्द्रनगरमा राजा महेन्द्रको शालिक राख्न खोजेपछी प्रशासनले लगायो निषेधआज्ञा

काठमाण्डौंः कञ्चनपुरको सदरमुकाम महेन्द्रनगरमा निषेध आज्ञा जारी गरिएको छ ।

राप्रपाले आज महेन्द्रनगरको महेन्द्रनगर स्मारकमा राजा महेन्द्रको मूर्ति पुनर्स्थापना गर्ने कार्यक्रम राखेपछि स्थानीय प्रशासनले महेन्द्रनगरमा निषेध आज्ञा जारी गरेको हो । प्रशासनले महेन्द्रनगरका मुख्य चोक दशरथ चोक,पुष्पलाल चोक, भानुपार्टि प्यालेस लगायत महेन्द्रनगर स्मारक सम्म पुग्ने सम्पूर्ण बाटोमा निषेध आज्ञा लगाएको छ ।

सात दलले महेन्द्रनगर को मूर्ति पुनर्स्थापना गर्ने नदिने र राप्रपाले मूर्ति स्थापना गर्ने अडानका बीच हुन सक्ने सम्भावित घटनालाई नियन्त्रण गर्ने निषेध आज्ञा जारी गरिएको स्थानीय प्रशासनले जनाएको छ । अहिले महेन्द्रनगर क्षेत्रमा ठुलो सङ्ख्यामा प्रहरी र सशस्त्र प्रहरी परिचालन गरिएका छन् ।