मंग्सिर ६, २०८३ आइतबार November 22, 2026

पर्वत अस्पतालमा उपचार सेवा प्रभावित, छेउछाउका घरबाट मागेरै काम चलाइँदै

आवश्यकताभन्दा ५० प्रतिशत कम पानीले दैनिक उपचार सेवा प्रभावित

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः पानीको अभावले पर्वतको एकमात्र सरकारी सुविधा सम्पन्न पर्वत अस्पतालमा उपचार सेवा प्रभावित भएको छ ।

नियमित स्रोतबाट आउने पानीले अस्पतालका बिरामीको उपचार, उपकरणलगायत अस्पतालको सरसफाइ र बिरामीका लागि समेत अपुग भएपछि समस्या परेको हो । अस्पतालमा दैनिक ३० देखि ४५ हजार लिटरसम्म पानीको आवश्यकता पर्ने भए पनि दैनिक १५ देखि १८ हजार लिटरमात्र उपलब्ध हुँदै आएको छ ।

आवश्यकताभन्दा ५० प्रतिशत कम पानीले दैनिक उपचार सेवा प्रभावित हुने गरेको अस्पताल व्यवस्थापन समितिका अध्यक्ष शङ्कर गिरीले जानकारी दिनुभयो । अध्यक्ष गिरीका अनुसार अस्पतालमा हेमोडायलाइसिस सेवा शुरु भएपछि खानेपानीको सङ्कट गहिरिँदै गएको हो । दैनिकजसो सात वटा शय्यामा मिर्गाैलाका बिरामीको हेमोडायलायसिस हुँदै आएको छ । हेमोडायलायसिस गर्न मात्र झन्डै १० हजार लिटर पानी दैनिक खर्च गर्नुपर्ने भएपछि पानीको अभावले समस्या सिर्जना हुँदै आएको छ ।

डायलायसिससँगै अन्तरङ्ग, बहिरङ्ग, दन्त उपचार सेवा, एक्स–रे, सुत्केरी सेवा, शल्यक्रिया विभाग, बालबालिका विभागमा भर्ना भएका बिरामीको सरसफाइ तथा कार्यालय सहयोगी, स्वास्थ्यकर्मी र कर्मचारीको आवासलगायतका ठाउँमा दैनिक उपभोगका लागि पानीको अभाव देखिएको छ । पानी अभाव हुँदा छेउछाउका घरबाट मागेर समेत काम चलाउनुपर्ने बाध्यता रहेको अध्यक्ष गिरीले जानकारी दिनुभयो ।

कालीगण्डकी नदीको किनारमा रहेको गोपाङ्गघाटको मूलबाट ‘लिफ्टिङ’ गरेर पानी ल्याउने गरी तयारी भइरहेको अस्पतालले जनाएको छ । यसका लागि गण्डकी प्रदेशको सामाजिक सुरक्षा तथा स्वास्थ्य मन्त्रालयबाट ५० लाख रुपैयाँ बजेट विनियोजन भइसकेको छ । १५ शय्याकाे अस्पतालबाट ५० शय्यामा स्तरोन्नति भइरहेको अस्पतालमा अहिले ६३ वटा शय्यामा राखेर बिरामीको उपचार भइरहेको छ । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार