जर्मन बुन्डेसलिगा फुटबलमा बायर्न म्युनिखको सहज जित

एजेन्सी । जर्मन बुन्डेसलिगा फुटबलमा च्याम्पियन बायर्न म्युनिखले सहज जित निकालेको छ ।

गएराति भएको खेलमा बायर्नले फ्राइबर्गलाई तीन एक गोल अन्तरले पराजित गरेको हो ।

घरेलु मैदानमा बायर्नलाई जित दिलाउन रोबर्टो लेवान्डोस्कीले दुई गोल गरे । त्यस्तै जोसुवा किमिचले एक गोल गरे ।

फ्राइबर्गका लुकास होइलरले एक गोल फर्काए ।

दुई खेल अगाबै च्याम्पियन बनिसकेको बायर्नले खेलको १५औं मिनेटमा किमिचको गोलबाट अग्रता बनाएको थियो ।

खेलको २४औं मिनेटमा लेवान्डोस्कीले गोल गर्दै बायर्नलाई दुई शुन्यको अग्रता दिलाए ।

खेलको ३३औं मिनेटमा लुकासले गोल गर्दै फ्राइबर्गलाई दुई एक गोल अन्तरको स्थितिमा पुर्याए ।

खेलको ३७औं मिनेटमा लेवान्डोस्कीले व्यक्तिगत दोस्रो गोल गर्दै बायर्नलाई तीन एक गोल अन्तरको तीन एकको सहज जित दिलाए ।

योसँगै उनले यस सिजनमा आफ्नो गोल संख्या ३३औं पुर्याउन सफल भए ।

यो जितसँगै बायर्नले ३३ खेलबाट ७९ अंक जोडेको छ ।

बायर्नको यो लगातार १५औं जित हो । बायर्न दोस्रो स्थानको बोरुसिया डर्टमण्ड भन्दा १० अंकले अघि रहेको छ ।

४५ अंक जोडेको फ्राइबर्ग आठौं स्थानमा रहेको छ ।