नगरप्रमुख पासमानसहित ५ जनाविरुद्ध भ्रष्टाचार गरेको आरोपमा मुद्दा दायर

नगरप्रमुख पासमानसहित नगरपालिकाका तत्कालीन निमित्त प्रमुख प्रशासकीय अधिकृत जगदीश मण्डलले प्रशासनिक भवन निर्माणको लागि बोलपत्र आव्हान गर्दा एक करोड आठ लाख रुपैयाँ अनियमितता गरेको आरोप लागेको अख्तियार दुरुपयोग अनुसन्धान आयोगका प्रवक्ता नरहरि घिमिरेले जानकारी दिनुभयो ।

यस्तै, तत्कालीन निमित्त प्रमुख प्रशासकीय अधिकृत बुद्धिमान दनुवार र लेखापाल प्रवीणकुमार महतोले उच्च अदालत जनकपुर, राजविराजबाट भएको आदेशको परिपालना नगरी प्रशासनिक भवन बनाउन सम्झौता गर्ने निर्णय गरेको र सोही सम्झौताको आधारमा म्याद समाप्त भइसक्दा पनि पेस्की रकम भुक्तान दिएको आरोप अख्तियारको छ ।

यसैगरी, निर्माण व्यवसायी बैजनाथ यादवले पेस्की भुक्तानी लिई निर्माण कार्य सुरु नगरेको आरोप रहेको अख्तियारको विज्ञप्तिमा उल्लेख छ ।