कार्तिक २७, २०८३ शुक्रबार
November 13, 2026
युग खबर
२०८० चैत्र २३, शुक्रबार
काठमाण्डौंः लुम्बिनी प्रदेशको मुख्यमन्त्री पदमा नेकपा (माओवादी केन्द्र)का नेता जोखबहादुर महरा हुने पक्का भएको छ ।
नेता महराले बिहीबार प्रदेशमा सहभागी भएका दलहरूसँग सरकार निर्माण देखि सञ्चालन सम्मको सहमति पछि हस्ताक्षर सँगै नयाँ नेतृत्व चयन हुने पक्का भएको हो ।
उहाँले हालसम्म ५१ जनाको समर्थन जुटी सकेको दाबी गर्नुभयो । महरा यसअघि झन्डै तीन महिनाका लागि अर्थमन्त्री बन्नु भएको थियो । २०७९ पुस २७ गते एमालेका गिरी मुख्यमन्त्री बन्दा महरा अर्थमन्त्री हुनु हुनहुन्थ्यो ।
८७ सदस्यीय लुम्बिनी प्रदेश सभामा सरकार निर्माणका लागि ४४ सांसदको समर्थन चाहिन्छ । एक जना राष्ट्रिय प्रजातन्त्र पार्टीका सांसदले यो बीचमा पद गुमाइसकेको हुँदा अब भने ८६ सदस्य मात्रै छन् ।
लुम्बिनीमा एमालेका २९, माओवादीको सभामुख सहित ११, जनता समाजवादी पार्टीका ३ जना , नेकपा एकीकृत समाजवादी पार्टीका १ जना र स्वतन्त्र सांसद १ गरि नेकपा माओवादीका नेता महराले मुख्यमन्त्री पदको दाबी गर्न लाग्नु भएको माओवादी नेता तथा लुम्बिनी प्रदेश माओवादीका सचेतक ईन्द्रजित चौधरी जानकारी दिनु भयो ।
सरकारमा सहभागी हुने दलहरू बीच ५ बुँदे सहमति समेत भएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया