‘पुलिसी चेल्सीका महत्त्वपूर्ण खेलाडी बन्दै’

एजेन्सी । प्रिमियर लिग क्लब पछिल्लो समय लिगमा उत्कृष्ट प्रदर्शन गरिरहेको छ । चेल्सीले कोरोना भाइरसको महामारीपछि लिगको पहिलो खेल खेल्दै एस्टोन भिल्लाविरुद्ध सहज जित निकालेको छ । लिगको चौथो स्थानमा रहेको चेल्सीको ३० खेलबाट ५१ अंक छ ।

यो सिजन चेल्सी बाँकी रहेका खेलहरूमा उत्कृष्ट प्रदर्शन गर्ने योजनामा छ । चेल्सीले च्याम्पियन्स लिग खेल्ने योजना बनाएको छ । प्रिमियर लिगमा भने शीर्ष चारमा पर्दै च्यम्पियन्स लिग खेल्नका लागि प्रतिस्पर्धा छ । चेल्सीका मुख्य प्रशिक्षक फ्रान्क लाम्पार्डले क्रिस्ट्रियन पुलिसी पछिल्लो समय क्लबका लागि महत्त्वपूर्ण खेलाडी भएको बताएका छन् ।

“लामो समय पनि उनको मैदानमा खेल आक्रमण देख्न सकिन्थ्यो । उनी मैदानमा एक उत्कृष्ट खेलाडीको पहिचान देखाइरहेका थिए । पुलिसी हाल क्लबका लागि महत्त्वपूर्ण खेलाडी हुन्,” लाम्पार्डले भने ।

पुलिसीले एस्टोन भिल्लाविरुद्ध खेलको ६०औँ मिनेटमा क्लबका लागि बराबरी गोल फर्काएका थिए । त्यसपछि ओलिभर जिरोउडले ६२औँ मिनेटमा गोल गर्दा चेल्सीले २–१ गोल अन्तरले जित निकालेको थियो ।