काठमाण्डौंः कनेक्ट आईपीएसले स्कुलको फी भुक्तानी गर्दा छात्रवृत्ति पाउन सकिने सुनौलो अवसर ल्याएको छ । यो अफरअन्तर्गत २० जना भाग्यशाली विद्यार्थीले भुक्तानी गरेको रकम वा अधिकतम १० हजार रुपैयाँसम्मको छात्रवृत्ति रकम प्राप्त गर्न सक्नेछन् ।
यो अफर कनेक्ट आईपीएस बाट ३१ बैशाखसम्म अनलाइन फी भुक्तानी गर्दा लागू हुने कनेक्ट आईपीएसले जनाएको छ । अफरको अन्त्यपछि कनेक्ट आईपीएसको आधिकारिक वेबसाइटमा विजेताको घोषणा गरिने बताइएको छ । भुक्तानी गरिएको बैंक खातामा नै छात्रवृत्ति रकम जम्मा गरिने पनि कनेक्ट आईपीएसले जानकारी दिएको छ ।
अभिभावक तथा विद्यार्थीलाई कनेक्ट आईपीएसमार्फत अनलाइन फी भुक्तानी गर्न निकै सहज हुन्छ । कनेक्ट आईपीएसबाट ७ सयभन्दा बढी स्कुलहरूको भुक्तानी गर्न सकिन्छ । भुक्तानीकर्ताले कनेक्ट आईपीएसको वेब वा एपमा लग इन गरी क्रेडिटर्स पेमेन्टअन्तर्गत एजुकेसनल एन्स्टिच्युसनमा क्लिक गरी स्कुल्समा क्लिक गरी लिस्टबाट भुक्तानी गर्नुपर्ने छ । स्कुल छनोट गरिसकेपछि मागिएका अन्य विवरण दाखिला गरी आफ्नो खाताबाट सजिलै भुक्तानी गर्न सकिन्न् ।
साथै, शैक्षिक संस्थाहरू आफ्नो तोकिएको बैंक खातामा सोझै रकम प्राप्त गर्न कनेक्ट आईपीएसमा क्रेडिटरको रूपमा आबद्ध हुन सक्दछन् । यसका लागि आफ्नो सम्बन्धित बैंक वित्तीय संस्थासँग सम्पर्क गरी अनलाइन सेवा लिन सकिन्छ ।
कनेक्ट आईपीएस बैंकका ग्राहकहरूका लागि एकै प्लेटफर्ममार्फत एकभन्दा बढी खाता लिङ्क गरी फन्ड ट्रान्सफरलगायत विभिन्न भुक्तानीहरू गर्नका लागि एक सजिलो माध्यम हो । यस कम्पनीको वेबमार्फत प्रतिकारोबार २० लाख रुपैयाँसम्म र यसको मोबाइल एपमार्फत प्रतिकारोबार २ लाख रुपैयाँसम्मको भुक्तानी गर्न सकिन्छ । कनेक्ट आईपीएसमार्फत चालु आर्थिक वर्षको चैत मसान्तसम्म ३९०० अर्बभन्दा बढी भुक्तानी कारोबार फर्छ्योट भइसकेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया