मंग्सिर ६, २०८३ आइतबार November 22, 2026

भेरी अस्पताल न्यूनतम सेवा मापदण्डमा देशकै उत्कृष्ट

न्यूनतम सेवा मापदण्ड कार्यान्वयनमा भेरी अस्पतालले ८० प्रतिशत अङ्क पायो

शेयर गर्नुहोस:
फन्ट परिवर्तन गर्नुहोस: अ अ अ

नेपालगञ्ज। बाँकेको नेपालगञ्जस्थित भेरी अस्पताल न्यूनतम सेवा मापदण्ड कार्यान्वयनमा उत्कृष्ट भएको छ ।

नेपाल सरकार स्वास्थ्य मन्त्रालय अन्तर्गत गुणस्तर तथा नियमन महाशाखाले गरेको न्यूनतम सेवा मापदण्ड कार्यान्वयनमा भेरी अस्पतालले ८० प्रतिशत अङ्क प्राप्त गरेको छ । स्थलगत अनुगमन तथा मूल्याङ्कनमा अस्पतालले उक्त अङ्क प्राप्त गरेको हो ।

राप्ती स्वास्थ्य विज्ञान प्रतिष्ठानले ६९, डडेलधुरा अस्पतालले ६५ र गजेन्द्रनारायण अस्पतालले ३२ अङ्क पाएको गुणस्तर तथा नियमन महाशाखाले जनाएको छ । भेरी अस्पतालले विगत ३ वर्षदेखि उत्कृष्ट अङ्क प्राप्त गरिरहेको छ । भेरी अस्पतालले यसअघि सन् २०१९ मा ६१ प्रतिशत, सन् २०२२ मा ६७ र सन् २०२३ मा ७५ प्रतिशत अङ्क प्राप्त गरेको थियो ।

अस्पतालको भौतिक पूर्वाधार, सुशासन व्यवस्थापन, स्वास्थ्य सेवा प्रवाहलाई आधार मानेर मूल्याङ्कन गरिएको हो । भेरी अस्पतालका प्रमुख मेडिकल सुपरिटेन्डेण्ट डा.पवनजंग रायमाझीले सबैको मेहनतले ८० प्रतिशत अङ्क प्राप्त गर्दै उत्कृष्ट हुन सफल भएको बताउनुभयो ।

स्वास्थ्य तथा जनसङ्ख्या मन्त्रालयले न्यूनतम सेवा मापदण्ड कार्यान्वयनको अवस्थालाई पनि आधार मानेर बजेट विनियोजन, स्तरोन्नति, पूर्वाधार विकास, जनशक्ति व्यवस्थापन लगायतका काम गर्दछ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार