स्पेनी ला लिगामा बार्सिलोना शीर्ष स्थानमा

एजेन्सी । स्पेनी ला लिगा फुटबलमा बार्सिलोनाले एथलेटिक बिलबाओलाई एक शुन्य गोल अन्तरले पराजित गरेको छ ।

गएराती सम्पन्न खेलबाट प्राप्त यो जितले बार्सिलोनालाई केही समयका लागि शीर्ष स्थानमा रहने अवसर पनि दिएको छ ।

रियल म्याड्रिडको तुलनामा तीन अंकको अग्रता बनाउन सफल भएकाले बार्सिलोनाले यो अवसर पाएको हो ।

बार्सिलोनाका सब्स्टिच्युट खेलाडी इभान राकिटिचले खेलको ७१औं मिनेटमा गरेको गोल नै जितका लागि निर्णायक बनेको थियो ।

रियलले आज मार्लोकाको सामना गर्नेछ ।

त्यस्तै गएराती नै भएको अर्को खेलमा एटलेटिको म्याड्रिडले लेभान्टेलाई एक शुन्य गोल अन्तरले पराजित गर्न सफल भएको छ ।

त्यसैगरी रियल भालाडोलिड र गेटाफेले १–१ गोलको बराबरी खेलेर अंक बाँडेका छन ।