मालोर्कालाई पराजित गर्दै रियल शिर्ष स्थानमा

एजेन्सी । रियल मड्रिड स्पेनिस ला लिगा फुटबलको शिर्ष स्थानमा उक्लिएको छ । बुधबार राति घरेलु मैदानमा भएको खेलमा मालोर्कालाई पराजित गर्दै रियल मड्रिड लिग तालिकाको शिर्ष स्थानमा उक्लिएको हो ।

रियल मालोर्कालाई २-० गोलले पराजित गरेको हो । रियलको जितका लागि भिनिसियस जुनियर र कप्तान सर्जिओ रामोसले एक एक गोल गरेका थिए ।

खेलको १९ औं मिनेटमा भिनिसियस जुनियरले गोल गर्दै रियललाई अग्रता दिलाए । उनले लुका मोड्रिचको पासमा गोल गर्दै रियललाई पहिलो हाफमा १-० को अग्रता दिलाए । त्यसपछि दोस्रो हाफमा थप एक गोल गर्ने क्रममा कप्तान रामोसले गोल गरेका हुन् ।

खेलको ५६ औं मिनेटमा रामोसले गोल गर्दै अग्रता दोब्बर पारे । उनले फ्रिकिकमा सिधै गोल गर्दै रियलको अग्रता दोब्बर परेका हुन् । त्यसपछि दुबै टोलिबाट कुनै थप गोल नहुँदा रियलले मालोर्कामाथी २-० को जित निकालेको हो ।

जितसँगै रियल मड्रिड बार्सिलोनालाई पछि पार्दै अंक तालिकाको शीर्ष स्थानमा उक्लिएको छ । रियल र बार्सिलोना दुवैको समान ३१ खेलबाट समान ६८ अंक रहेपनि हेड टु हेडको आधारमा रियल शिर्ष स्थानमा उक्लिएको हो । यता पराजित मालोर्काको भने रेलिगेसन जोनमा छ ।