काठमाण्डौः नेत्रविक्रम चन्द विप्लव नेतृत्वको नेकपाले अमेरिकी मिलेनियम च्यालेञ्ज कर्पोशन (एमसीसी) को विपक्षमा मतदान गर्न कञ्चनपुरका सांसदहरुलाई पत्राचार गरेको छ ।
नेकपा कञ्चनपुरले बिहीबार प्रतिनिधि र प्रदेश सभामा प्रतिनिधित्व गर्ने विभिन्न राजनतिक दलका ७ (सात) जना सांसदलाई एमसीसीको विपक्षमा मतदान गर्न पत्राचार गरेको हो ।
कञ्चनपुर क्षेत्र नम्बर-१ कि सांसद तथा खानेपानी मन्त्री समेत रहेकी क्षेत्र नम्बर-२ की बिना मगर र नर बहादुर धामी र क्षेत्र नम्बर -३ का डा. दिपक प्रकाश भट्ट सहित प्रतिनिधी सभा सदस्य निरुदेवी पाल, बिना बुढाथोकी र राष्ट्रिय सभासदस्यद्धय ईन्दु कडरिया (विष्ट) र तारा भट्टलाई पत्राचार गरेको हो ।
राष्ट्रघाती एमसीसी सम्झौता खारेजी सम्बन्धमा बुझाएको पत्रमा प्रत्यक्ष रुपमा अमेरिकन साम्राज्यवादको नेपालमा नाङ्गो हस्तक्षेप बढ्ने उल्लेख गरिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया