मंग्सिर ४, २०८३ शुक्रबार November 20, 2026

दाङमा ‘ए’ डिभिजन लिग फुटबल प्रतियोगिता सुरु

विजेता टिमले नगद ५० हजार, कप, पदक प्रमाणपत्र र उपविजेता टिमले नगद २५ हजार, पदक, प्रमाणपत्र हात पार्ने

शेयर गर्नुहोस:
फन्ट परिवर्तन गर्नुहोस: अ अ अ

घोराही, असार ५ गते । दाङमा ‘ए’ डिभिजन लिग फुटबल प्रतियोगिता–२०८१ सुरु भएको छ । दाङ जिल्ला फुटबल सङ्घको आयोजना तथा अखिल नेपाल फुटबल सङ्घ एन्फाको सहयोगमा बुधवारदेखि तुलसीपुर उपमहानगरपालिका–१८ स्थित बेलझुण्डी रङ्गशालामा प्रतियोगिता सुरु भएको हो ।

प्रतियोगिताको उद्घाटन खेलमा बडहरा फुटबल क्लब घोराही विजयी भएको छ । बडहरा फुटबल क्लब घोराही र युनाइटेड फुटबल क्लब तुलसीपुरबिच भएको उद्घाटन खेलमा ४–१ गोल अन्तरले युनाइटेडलाई हराउँदै बडहरा फुटबल क्लव विजयी भएको थियो । खेलको ३५ औं मिनेटमा गोल खाएर १–० ले पछि परेको अवस्थामा कमव्याक जित निकाल्दै प्रतियोगितामा बडहराले विजयी सुरुवात गरेको हो । खेलको ४० औं मिनेटमा बडहराका खेलाडी कपिल बुढाले १ गोल गर्दै खेल बराबरीमा लग्नुभएको थियो ।

पहिलो हाफमा १–१ गोल गरेर बराबरी खेलेपनि दोस्रो हाफमा बडहराले थप ३ गोल गर्दै जारी प्रतियोगितामा जित निकाल्न सफल भएको हो । दोस्रो हाफमा बडहराको जितका लागि खेलाडी बिजेन्द्र घर्ती (राते)ले २ र कपिलले थप १ गोल गर्न सफल हुनुभएको थियो ।

असारको १९ गतेसम्म सञ्चालन हुने प्रतियोगितामा जिल्लाका १२ क्लबको सहभागी छन् । लिग कम नकाउटका आधारमा खेलाइएको प्रतियोगितामा सहभागी क्लबलाई दुई समूहमा विभाजन गरिएको छ । समूह ‘ए’ मा युनाईटेड फुटबल क्लब तुलसीपुर, न्यू स्टार फुटबल क्लब नारायणपुर, सक्सेस फुटबल तुलसीपुर, बडहरा फुटबल क्लब घोराही, एसएसएफए तुलसीपुर र इनोभेटिम ज्ञानज्योति फुटबल क्लब तुलसीपुर छन् ।

समूह ‘बी’ मा नवलपुर फुटबल एकेडेमी घोराही, टाइगर युवा क्लब तुलसीपुर, युएनबिसी घोराही, किसान जागृत युवा क्लब घोराही, राप्ती फुटबल क्लब घोराही र लक्ष्य युबा क्लब तुलसीपुर रहेको दाङ जिल्ला फुटबल सङ्घका अध्यक्ष संजात धितालले जानकारी दिनुभएको छ । समूह ‘ए’ र समूह ‘बी’ का बिजेता, उपबिजेता टिमले सेमिफाइनलमा प्रतिस्पर्धा गर्नेछन् । लिगको विजेता टिमले नगद ५० हजार, कप, पदक प्रमाणपत्र हात पार्नेछ भने उपविजेता टिमले नगद २५ हजार, पदक, प्रमाणपत्र हात पार्नेछ ।गोप

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
वैशाखमा स्थानीय र मंसिरमा प्रदेशसभा निर्वाचन गर्ने आयोगको प्रस्ताव
२०८३ मंग्सिर ४, शुक्रबार
डिजिटल सुरक्षा र साक्षरता अभिवृद्धि सरकारको प्राथमिकतामाः सञ्चारमन्त्री डा तिमिल्सिना
२०८३ मंग्सिर ४, शुक्रबार
भारत भ्रमण स्वीकृत गर्दै मन्त्रिपरिषद् बैठकले गर्यो सात महत्त्वपूर्ण निर्णय
२०८३ मंग्सिर ४, शुक्रबार
जुवातास खेलिरहेको अवस्थामा २५ जना पक्राउ
२०८३ मंग्सिर ४, शुक्रबार
नेपाल-नर्वे जलवायु सहकार्य सुदृढ बनाउनबारे छलफल
२०८३ मंग्सिर ४, शुक्रबार
इरानमाथि सैन्य कारबाही अपरिहार्य भएको नेतान्याहुको दाबी
२०८३ मंग्सिर ४, शुक्रबार
राप्रपा महाधिवेशनमा अध्यक्षका लागि ज्ञानेन्द्र शाही पनि मैदानमा
२०८३ मंग्सिर ४, शुक्रबार