मंग्सिर ६, २०८३ आइतबार November 22, 2026

अस्पतालको सुधार गर्नु मेरो मुख्य लक्ष्य : मन्त्री यादव

स्वास्थ्य संस्थाको सुधारका लागि मन्त्रालय रातदिन काम गरिरहेको भनाई

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, असार १७ गते । स्वास्थ्य तथा जनसङ्ख्या मन्त्री प्रदीप यादवले अस्पतालहरूको सुधार नै आफ्नो मुख्य लक्ष्य रहेको बताउनुभएको छ । सोमबार मन्त्रालयमा आयोजित पत्रकार सम्मेलनका क्रममा उहाँले यस्तो बताउनुभएको हो । उहाँले स्वास्थ्य संस्थाको सुधारका लागि मन्त्रालय रातदिन काम गरिरहेको बताउनुभयो ।

मन्त्री यादवले राजनीति अस्थिर रहेकाले सबै ठुलो काम गर्छु भनेर प्रतिबद्धता जनाउन नसकिने बताउनुभयो । उहाँले अहिले भएका संरचनालाई अझ व्यवस्थित गर्नका लागि आफू लागिपरेको जिकिर गर्नुभयो । उहाँले अस्पताल सुधारका लागि मन्त्रालयका अतिरिक्त दुई जना सचिवको नेतृत्वमा काम भइरहेको बताउनुभयो ।

उहाँले स्वास्थ्य क्षेत्रमा जनशक्ति कम रहेको भन्दै करारमा लिएर भए पनि काम गराउने प्रतिबद्धता जनाउनुभयो । उहाँले मन्त्रालय मातहतमा रहेका अस्पतालको सुधारका लागि विभिन्न कार्यक्रमसहित अघि बढेको बताउनुभयो । उहाँले बिमामा धेरै महाभारत चलिरहेको बताउनुभयो । उहाँले स्वास्थ्य बिमा स्वास्थ्य मन्त्रालयअन्तर्गत नरहेको भन्दै राज्यले बिमालाई स्वायत्त गरिदिएको बताउनुभयो । आफू अग्रसर भएर बिमा बोर्डका अध्यक्षसँग कुरा गरेको र छलफल गरेर बिमामा भएका बेथितिको सुधार गर्ने बताउनुभयो । सबै नागरिकलाई बिमामा समेट्न आफूहरू लाग्ने बताउनुभयो ।

मन्त्री यादवले भन्नुभयो, ‘‘अस्पतालहरूको सुधार नै मेरो मुख्य लक्ष्य हो । सुधार कसरी गर्ने त्यसमै म आएदेखि नै लागिपरेको छु । सुधार गर्नको निमित्त अघि बढेका छौँ । राजनीति स्थिर छैन, अस्थिरता छ । जहाँ अस्थिरता हुन्छ, त्यहाँ ठुलो ठुलो क्रान्तिकारी कुरा गरेर सम्भव पनि हुँदैन । त्यसकारण जुन हाम्रो अवस्था छ, त्यसलाई कसरी सुधार गर्ने, त्यसमा हामीले अघि बढेर काम गरिरहेका छौँ । सबै कुरा बुझेका छैनौँ तर अधिकतम कुरा बुझेर काम गरिरहेका छौँ । अस्पताल सुधारका लागि मन्त्रालयका अतिरिक्त दुई जना सचिवहरूको नेतृत्वमा हामीले विभिन्न शीर्षकमा खटाएका छौँ । जुन एउटा रिपोर्ट आइसक्यो ।’’

मन्त्री यादवले स्वास्थ्य क्षेत्रको सुधारका लागि मन्त्रालय लागिरहेको बताउनुभयो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार