मंग्सिर ६, २०८३ आइतबार November 22, 2026

बाँकेमा डेंगुको जोखिम उच्च, ४ सय ५ जनामा संक्रमण

जिल्लाका सबै पालिकामा डेंगुको सङ्क्रमण देखिएपछी नियन्त्रण गर्न वडास्तरमा पनि कार्यक्रम सुरु

शेयर गर्नुहोस:
फन्ट परिवर्तन गर्नुहोस: अ अ अ

बाँके । वर्षा सुरु भएसँगै बाँकेमा डेंगुको जोखिम बढेको छ । अबको चार महिना डेंगु संक्रमण उच्च हुने सम्बद्ध अधिकारीहरूको अनुमान छ । डेंगु सङ्क्रमणको जोखिम जुलाईदेखि सेप्टेम्बरसम्म धेरै हुने गरेको स्वास्थ्यकर्मीहरूको भनाई छ ।

जिल्ला स्वास्थ्य कार्यालय बाँकेले जिल्लाका सबै पालिकामा डेंगुको सङ्क्रमण देखिएको उल्लेख गर्दै नियन्त्रण गर्न लामखुट्टेका लार्भा र प्युपा नष्ट गर्ने अभियान सुरु गर्ने स्वास्थ्य कार्यालयका प्रमुख अंगत बहादुर शाहीले बताउनु भयो ।

बाँकेका डेगुँ रोग फोकल पर्सन दुर्गा गौतमका अनुसार बाँकेमा चालु आर्थिक वर्षको हालसम्म चार सय पाँचजना डेंगु सङ्क्रमित भेटिएको जानकारी दिँदै यसलाई नियन्त्रण गर्न वडास्तरमा पनि कार्यक्रम सुरु गर्न लागेको बताउनुभयो ।

जिल्लाका आठ स्थानीय तहमध्ये राप्ती सोनारी गाउँपालिकामा पाँच, कोहलपुर नगरपालिकामा २४, बैजनाथ गाउँपालिकामा नौ, खजुरा गाउँपालिकामा चार, जानकी गाउँपालिकामा पाँच, नेपालगन्ज उपमहानगरपालिकामा ४५ र डुडुवा गाउँपालिकामा छ जना डेंगुका बिरामी भेटिएको गौतमले बताउनु भयो । उहाँले भन्नुभयो,“बिरामीको सङ्ख्या बढ्दै गएको छ र अस्पताल आउने बिरामीको सङ्ख्या पनि बढ्दै गएकाले डेंगु सङ्क्रमण बढ्दो देखिएको छ,।”

उहाँले रोग नियन्त्रणका लागि सीमामा पनि निगरानी बढाउनु आवश्यक रहेको जिकिर गर्नु भयो । गौतमले डेंगुको सङ्क्रमण भएको लामखुट्टेले एक पटकमा करिब चारदेखि पाँच जनासम्मलाई रोग सार्ने क्षमता रहेको जनाउँदै सचेत हुन आग्रह गर्नु भयो ।

यसैगरी बाँकेका प्रमुख जिल्ला अधिकारी खगेन्द्रप्रसाद रिजालले डेंगु नियन्त्रणका लागि जिल्लाका सबै सार्वजनिक स्थानलगायत प्रत्येक कार्यालयहरूमा सरसफाइ अभियान चलाउन निर्देशन दिनुभएको छ । उहाँले एक विज्ञप्ति निकालेर डेंगुको विषाणुद्वारा सङ्क्रमित भएको एडिस एजिप्टाई र एडिस एलबोपिक्ट्स जातको पोथी लामखुट्टेको टोकाइबाट सर्ने एक प्रकारको किटजन्य सरुवा रोग उल्लेख गर्दै घरमा लामखुट्टे लाग्न नदिन झ्याल ढोकामा जाली लगाउन अपिल गर्नु भयो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तल्लो अरुण जलविद्युत् आयोजना : सोमबार शिलान्याश हुँदै
२०८३ मंग्सिर ६, आइतबार
दूधको मूल्य प्रतिलिटर ८० रुपैयाँ कायम गर्न धनकुटाका किसानको माग
२०८३ मंग्सिर ६, आइतबार
अमेरिकी सेयर बजारमा १० प्रतिशत गिरावट, लगानीकर्तामा अनिश्चितता
२०८३ मंग्सिर ६, आइतबार
साहित्यकारले विकृतिमाथि प्रश्न उठाउँदै सकारात्मक प्रयासलाई प्रोत्साहन गर्नुपर्छ : सभामुख अर्याल
२०८३ मंग्सिर ६, आइतबार
पर्सामा आर्थिक अपराधका घटना सबैभन्दा बढी, एक महिनामा ४९ मुद्दा दर्ता
२०८३ मंग्सिर ६, आइतबार
सन्दीपको घातक बलिङ र कुशलको अर्धशतक, यूएईमाथि नेपालको ६ विकेटको शानदार जित
२०८३ मंग्सिर ६, आइतबार
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार