काठमाण्डौंः काठमाण्डौ महानगरपालिकाको नगरसभा अनिश्चित भएको छ । महानगरका मेयर बालेन्द्र साह र वडाअध्यक्षबीचको विवादले बैठक अनिश्चित भएको हो । गएको शुक्रवार केहीबेर बसेर स्थगित भएको बैठक फेरि बस्न सकेको छैन ।
बैठक स्थगित भएपछि महानगरको बजेट सार्वजनिक भएर पनि पास हुन सकेको छैन भने नीति र कार्यक्रम प्रस्तुत भएको छैन । बजेट र नीति तथा कार्यक्रम सार्वजनिक हुन नसक्दा अन्योल देखिएको छ । साउन १ गतेदेखि नयाँ आर्थिक वर्षको बजेट कार्यान्वयन हुन्छ ।
महानगरका सहायक प्रवक्ता दीपक अधिकारीले अझै १० दिन बाँकी भएकाले बजेट नआउने भन्ने कुरै नहुने दाबी गरेका छन् । बजेट तथा नीति कार्यक्रम पारित गर्ने विषयमा काठमाण्डौ महानगरपालिकाका प्रवक्ता एवम् वडा नम्बर १७ का अध्यक्ष नवीन मानन्धर लागि परेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया