किशोरको मृत्युपछी सप्तरीको हनुमाननगर तनावग्रस्त – प्रहरी कार्यालय अगाडी टायर बालेर प्रर्दशन

सप्तरी । सप्तरीको हनुमाननगर कंकालिनी नगरपालिका ५ योगिनीयामा वसको ठक्करबाट अघिल्लो दिन विहीवार साँझ एक किशोरको मृत्यु भएपछि हनुमाननगर बजार शुक्रवार विहानैबाट तनावग्रस्त बनेको छ ।

विहीवार साँझ भारदह–राजविराज सडक खण्डको जोगिनीयामा विराटनरबाट राजविराज तर्फ आउँदै गरेको को ३० प ८१०९ नम्बरको मोटरसाईकललाई सोही दिशाबाट तिब्र गतीमा आउदै गरेको को १ ख ४०४६ नम्बरको एस के डिलक्स नामक यात्रु बाहक वसले पछाडीबाट ठक्कर दिएको थियो ।

ठक्करबाट मोटरसाईकल चालक हनुमाननगर कंकालिनी नगरपालिका ७ का १७ वर्षिय ध्रुव मण्डल टाउको र शरीरको विभिन्न भागमा चोट लागेर गम्भिर घाईते भएका थिए । उनलाई तत्कालै प्रहरीद्वारा उपचारका लागी सदरमुकाम राजविराज स्थित गजेन्द्र नारायण सिह अस्पताल ल्याउदा डाक्टरले मृत घोषणा गरेको थियो ।

प्रहरीले गाडी र चालक राजविराज नगरपालिका ८ निवासी रमेश कुमार राउतलाई नियन्त्रणमा लिएको छ । चालकमाथी सवारी ज्यान मुदा अन्तर्गत कारवाही हुने प्रहरीले जनाएको छ ।

“चालकलाई हामीले नियन्त्रणमा लिएका छौ, मण्डलको शव पोस्टमार्टमका लागी गजेन्द्र नारायण सिंह अस्पतालको शवगृहमा राखीएको छ ,जिल्ला प्रहरी कार्यालय सप्तरीका प्रवक्ता डिएसपी ढुण्डिराज नेउपानेले भने–चालकलाई कानुनमा व्यवस्था भए बमोजिम कारवाही हुुन्छ ।”

उनका अनुसाार मण्डललाई ठक्कर दिएपछी तत्कालै अस्पताल पु¥याईएकोमा चिकित्सकले मृत घोषित गरेको थियो । घटनापछी आक्रोशित आफन्तजन र स्थानीयवासीयले विहीवार साँझ पनि इलाका प्रहरी कार्यालय अगाडी टायर बालेर प्रर्दशन गरेका थिए । प्रर्दशनलाई शुक्रवार पनि निरन्तरता दिदै स्थानीयले विहानै देखी बजार क्षेत्रमा टायर बालेर प्रर्दशन, बीच सडक मै बेन्च र खाट राखेर चक्काजाम तथा बजार बन्द गराएका छन ।

प्रर्दशनमा पुर्व सासद अशोक कुमार मण्डल“अमर”, वडाअध्यक्ष, आफन्तका साथै ठूलो संख्यामा सर्वसाधारण सहभागी भए । स्थानीयले बसको ठक्करबाट मण्डलको घटनास्थल मै मृत्यु भएको दाबीका साथ प्रहरले सर्जमिन मुचुल्का प्रक्रिया पुरा नगरी मण्डलको शव घटनास्थलबाट हतार हतारमा लगेको आरोप लगाएका छन ।

उनीहरुले घटनाको छानवीन, दोषीलाई कारवाही तथा मृतक परिवारलाई उचित क्षतीपुर्ती दिनु पर्ने लगायतका माग अघि सारेका छन । आक्रोशित स्थानीयवासीले प्रहरी कार्यालय हनुमाननगर अगाडी पनि उग्र प्रर्दशन गरेका छन । प्रहरीले मण्डलको घटनास्थलमा मृत्यु न भएको र गम्भिर अवस्थामा रहेका उनलाई पहिला उपचारस्थलमा पु¥याई बचाउनु पर्ने भएकोले अस्पताल लगिएको दाबी गरेको छ । तनाव बढदै गएपछी ठूलो संख्यामा नेपाल र सशस्त्र प्रहरी परिचालन गरिएको तथा प्रर्दशनकारीलाई सम्झ्याई बुझाई वार्ताको माध्यमबाट समाधानको प्रयास भइरहेको जिल्ला प्रहरी कार्यालय सप्तरीले जनाएको छ ।

यता बन्दको नाममा प्रर्दशनकारीले एम्बुलेन्समा तोडफोड र चालकमामाथी आक्रमण गरी घाइते बनाएको भन्दै एम्बुलेन्स चालकहरु पनि आन्दोलित भएका छन ।

शुक्रवार राजविराज–हनुमाननगर सडक खण्डको जिल्ला स्वास्थय कार्यालय अगाडी बीच सडक मै एम्बुलेन्सहरु तेस्र्याएर चक्काजाम गर्दै एम्बुलेन्स चालकहरुले प्रर्दशन गरेका छन ।

एम्बुलेन्स चालक संघ सप्तरीका अध्यक्ष सुदि लाल साहका अनुसार प्रर्दशनकारीले जनमुखी बहुउदेश्य सहकारी संस्था लि.द्वारा संचालित एम्बुलेन्समा ढुगामुढा गरी तोडफोड गर्नूका साथै चालक महिनारायण माथी कुटपीट गरेका छन ।

कुटपीटबाट घाईते भएका चालक यादवको स्थानीय गजेन्द्र नारायण सिह अस्पतालमा उपचार भइरहेको छ । कुटपीट र तोडफोडमा संलग्नहरुलाइ अविलम्ब पक्राउ तथा घाइतेको उपचार व्यवस्था मिलाउन एम्बुलेन्स चालक संघले माग गरेको छ ।