कार्तिक २६, २०८३ बिहिबार
November 12, 2026
युग खबर
२०८१ कार्तिक ११, आइतबार
काठमाडौँः वन तथा वातावरण मन्त्री ऐनबहादुर शाही ठकुरी जैविक विविधता महासन्धिसम्बन्धी १६औं अन्तर्राष्ट्रिय सम्मेलन (सीबीडी कोप–१६) मा भाग लिन कोलम्बिया प्रस्थान गरेका छन् ।
मन्त्री शाही वन तथा वातावरण मन्त्रीस्तरीय बैठकमा सहभागी नेपाली प्रतिनिधिमण्डलको नेतृत्व गर्दै आइतबार त्यसतर्फ प्रस्थान गरेको मन्त्रालयले जानकारी दिएको छ ।
कोलम्बियाको काली सहरमा कात्तिक १० देखि १५ गतेसम्म हुने सीबीडी कोप–१६ सम्मेलनमा मन्त्री शाहीले सोमबार र मंगलबार हुने उच्चस्तरीय छलफललाई सम्बोधन गर्ने कार्यक्रम रहेको छ ।
मन्त्री शाहीले ‘प्रकृति र शान्ति’ तथा ‘जैविक विविधता र वित्त’ विषयक छलफललाई सम्बोधन गर्नेछन् । उनी कात्तिक १७ मा स्वदेश फर्किने मन्त्रालयले जानकारी दिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया