यूईएफए नेसन्स लिग : क्रोएसिया क्वाटरफाइनलमा प्रवेश

काठमाण्डौंः क्रोएसिया यूईएफए नेसन्स लिग फुटबलको क्वाटरफाइनलमा प्रवेश गरेको छ । गएराति सम्पन्न खेलमा पोर्चुगलसँग बराबरी खेल्दै क्रोएसियाले क्वाटरफाइनलमा स्थान पक्का गरेको हो ।

दुवै टिमले १–१ गोलको बराबरी खेल्दै अंक बाँडेका हुन् । पोर्चुगल यसअघिनै नकआउट चरणमा प्रवेश गरिसकेको थियो । खेलको ३३ औं मिनेटमा जोआओ फेलिक्सले गोल गर्दै पोर्चुगललाई अग्रता दिलाएका थिए । तर, ६५ औं मिनेटमा जोस्को ग्भार्डियोलले क्रिस्टिजन ज्याकिकको क्रसलाई गोलमा परिणत गरेपछि घरेलु टोलीले पुनरागमन गरेको थियो ।

यो नतिजासँगै लिग–ए ग्रुप–वानमा ६ खेलमा १४ अंक जोडेको पोर्चुगल शीर्ष स्थानमा कायमै रहृयो । क्रोएसियाले समान खेलबाट ८ अंक जोडेको छ । यस्तै, लिग–ए ग्रुप–वानमा स्टल्यान्डले पोलान्डलाई २–१ गोलले हराएको छ ।

लिग–सी ग्रुप–टूको खेलमा कोसोभोले लिथुवानियालाई १–० र रोमानियाले साइप्रसलाई ४–१ गोलले पराजित गरेको छ । यस्तै लिग–सी ग्रुप–थ्रीमा बुल्गेरिया र बेलारुसले १–१ तथा लक्जेम्बर्ग र उत्तरी आयरल्यान्डले २–२ गोलको बराबरी खेलेका छन् ।