प्रदेशको आन्तरिक मामिला तथा कानुनमन्त्री भण्डारीद्वारा शपथ ग्रहण

मोरङ, १७ मङ्सिरः कोशी प्रदेशका प्रदेश प्रमुख परशुराम खापुङले प्रदेश सरकार आन्तरिक मामिला तथा कानुनमन्त्री रेवतीरमण भण्डारीलाई शपथ ग्रहण गराउनुभएको छ ।

प्रदेश प्रमुखको कार्यालयमा आज साँझ आयोजित समारोहमा प्रमुख खापुङले भण्डारीलाई पद तथा गोपनीयताको शपथ खुवाउनुभएको हो । मुख्यमन्त्री हिक्मतकुमार कार्कीले नेपालको संविधानको धारा १६८ को उपधारा (९) को सिफारिस बमोजिम भण्डारीलाई मन्त्री नियुक्तिका लागि सिफारिस गर्नुभएको थियो ।

शपथ समारोहमा मुख्यमन्त्री कार्की, प्रदेशका विभिन्न मन्त्रालयका मन्त्री, पूर्वमुख्यमन्त्री उद्धव थापा, विभिन्न मन्त्रालयका सचिव, सुरक्षा निकायका प्रदेशका प्रम्ख एवं प्रतिनिधिहरु, विभिन्न राजनीतिक दलका नेताहरुको सहभागिता रहेको थियो ।