नेदरल्यान्ड्समा भएको विस्फोटमा परी मृत्यु हुनेको संख्या ४ पुग्यो

एजेन्सी । नेदरल्यान्ड्सको प्रसिद्ध शहर ‘द हेग’मा शनिबार विस्फोट भएपछि भएको आगलागीमा परी मृत्यु हुनेको संख्या ४ पुगेको छ ।

आज(आइतबार) बिहान सम्ममा ४ जनाको शव भेटिएका हो । घटनामा अन्य धेरै मानिस फसेको आशङ्कामा तत्काल उद्धार तथा खोजी कार्य भइरहेको छ ।

अन्तर्राष्ट्रिय सञ्चार माध्यमका अनुसार द हेग शहरका नगर प्रमुखले विट र आगलागीका कारण भवन भत्किँदा चार जनाको मृत्यु भएको बताएका हुन् । हेगस्थित तीन तले आवासीय भवनको एउटा भाग भत्किएको र भग्नावशेषमा खोजी कुकुरसहित उद्धारकर्मीहरूले उद्धारका लागि काम गरिरहेका छन् ।

घटनामा पाँच वटा घरमा क्षति पुगेको छ । घटनाको अनुसन्धान भैरहेको समाचारमा उल्लेख छ ।