असार २४, २०८२ मंगलबार
July 8, 2025
युग खबर
२०८१ मंग्सिर ३०, आइतबार
रोम। ग्रीसको गाभडोसमा दुईवटा डुङ्गा डुब्दा एक जनाको मृत्यु भएको छ भने दर्जनौं बेपत्ता भएका छन् । भू-मध्यसागरको दक्षिणी टापु गाभडोसमा डुङ्गा पल्टिए पछि १ जनाको शव फेला पारेको र ३९ आप्रवासीलाई समुद्रबाट उद्धार गरेको ग्रिसका तटरक्षकले बताएका छन् । अझै धेरै बेपत्ता भएका छन्।
ग्रिसको कोस्टगार्डले शनिबार जहाज र विमानको सहयोगमा खोजी अभियान सुरु गरेको छ तर अझैसम्म तिनिहरू फेला परिसकेका छैनन् । इटालियन फ्रिगेट र हेलिकप्टरहरू सम्भावित क्षेत्रमा खोजी कार्य जारी राखिरहेका छन । उनीहरूको खोजीका लागि थप जहाजहरू सो क्षेत्रमा पठाइएको छ ।
शनिबार छुट्टाछुट्टै घटनाहरूमा माल्टाको झण्डा बोकेको कार्गो जहाजले गाभडोसबाट७४ किलोमिटर ४७ आप्रवासीहरूलाई उद्धार गर्यो, जबकि एउटा ट्याङ्करले टापुबाट ५२ किलोमिटर टाढा अन्य ८८ जनालाई उद्धार गरेको अन्तराष्ट्रिय सञ्चारमाध्यमले जनाएका छन् ।
प्रारम्भिक जानकारीका अनुसार कोस्टगार्ड अधिकारीहरूले लिबियाबाट ती डुङ्गाहरू युरोप आउन लागेको प्रारम्भिक जानकारी प्राप्त गरेका छन् ।
सन २०१५–१६ देखी मध्य पूर्व, अफ्रिका र एशियाबाट लगभग १ मिलियन आप्रवासीहरू ग्रिसमा आइपुगेका छन, जसमध्ये अधिकांशले इन्फ्लेटेबल डिङ्गीहरूमा समुद्र पार गर्ने खतरनाक मार्ग अपनाएका थिए । एजेन्सी
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया