आज दुईवटा संसदिय समितिको बैठक बस्दै

काठमाडौं, पुस १६ । आज संघीय संसद् अन्तर्गत मंगलबार दुईवटा समितिको बैठक बस्दैछ। आज अर्थ समिति र विधायन व्यवस्थापन समितिको बैठक बस्न लागेको हो।

सिंहदरबारस्थित समितिको कार्यालयमा अहिले बिहान ११ बजे बस्ने अर्थ समितिको बैठकमा भन्सार सम्बन्धी काूननलाई संशोधन र एकीकरण गर्न बनेको विधेयक, २०८० माथि सैद्धान्तिक छलफल हुनेछ। छलफलका लागि अर्थमन्त्री विष्णु पौडेललाई समेत बोलाएको संसद् सचिवालयले जनाएको छ।

यस्तै दिउँसो १ बजे बस्ने विधायन व्यवस्थापन समितिको बैठकमा तिलगङ्गा नेत्र विश्वविद्यालय विधेयक, २०८१ मा सरोकारवालासँग छलफल गर्ने कार्यसूची रहेको सचिवालयले जनाएको छ।