असार २५, २०८२ बुधबार
July 9, 2025
युग खबर
२०८१ पुष २२, सोमबार
काठमाडौँ, पुस २२ गते । इङ्लिस प्रिमियर लिग फुटबलको उपाधि दौडमा रहेको लिभरपुललाई म्यानचेस्टर युनाइटेडको झट्का लागेको छ ।
घरेलु मैदानमा आइतबार राति भएको खेलमा शीर्ष टोली लिभरपुल युनाइटेडसँग २–२ गोलको बराबरीमा रोकिएको हो । प्रतिस्पर्धात्मक खेलमा लिभरपुलका लागि कोडी गाक्पोले ५९औँ र मोहम्मद सलाहले ७०औँ मिनेटमा गोल गर्नुभयो ।
यस्तै युनाइटेडका लागि लिसान्द्रो मार्टिनेजले ५२औँ र अमान्ड डायालो ट्राओरेले ८०औँ मिनेटमा बराबरी गोल फर्काउनुभयो । बराबरीसँगै शीर्षस्थानमा कायम रहेको लिभरपुलले १९ खेलबाट ४६ अङ्क बनाएको छ ।
२० खेलबाट २३ अङ्क बटुलेको युनाइटेड १३औँ स्थानमा छ । आइतबार राति नै भएको अर्को खेलमा फुलहाम र इपस्विच टाउनले २–२ गोलको बराबरी खेल्दै अङ्क बाँडेको छ । एजेन्सी
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया