मंग्सिर ४, २०८३ शुक्रबार November 20, 2026

“एएफसी छनोटबाट धेरै सकारात्मक ऊर्जा लिएर फर्किएकी छु” – कप्तान सावित्रा भण्डारीः

विवाद निस्किए पनि टिम एक भएर खेल्यौं, कप्तान चयन गर्ने विषय आन्तरिक हो

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, असार २२ । उज्बेकिस्तानमा सम्पन्न एएफसी महिला एसियन कप छनोटमा ऐतिहासिक अवसरबाट चुकिए पनि नेपाली महिला फुटबल टोलीकी कप्तान सावित्रा भण्डारी (साम्बा) सकारात्मक ऊर्जा बोकेर स्वदेश फर्किएकी छन्। समूह ‘एफ’ अन्तर्गतको निर्णायक खेलमा घरेलु टोली उज्बेकिस्तानसँग पेनाल्टी सुटआउटमा ४–२ ले पराजित भएपछि नेपाल सन् १९९९ पछि पहिलोपटक एशियन कप खेल्ने सपना अधुरै रह्यो।

खेलमा प्रारम्भिक चुनौतीका बाबजुद नेपाली टोलीले उत्कृष्ट पुनरागमन गर्दै ३–३ को रोमाञ्चक बराबरी खेलेको थियो। तर, पेनाल्टीमा सावित्रा भण्डारी र गोलकिपर अञ्जना रानामगर असफल भएपछि नेपाल प्रतियोगिताबाट बाहिरियो।

कप्तान सावित्राले भनिन्, “खेलको सुरुवातमा उज्बेकिस्तानको वातावरणमा भिज्न गाह्रो भयो। तर, प्रशिक्षकको रणनीति र टोलीको मनोबल उच्च थियो।” उनले खेलमा ३–१ को स्थितिबाट फर्कनु सजिलो नभएको तर खेलको जोश र एकता उच्च रहेको बताइन्।

सावित्राका अनुसार प्रशिक्षक प्याट्रिक डे वाइल्डको उत्साहजनक निर्देशनले खेलको दोस्रो हाफमा टिमलाई ऊर्जा दियो। उनले भनिन्, “हामी एक भएर खेलेका थियौं। परिणाम त निस्कियो तर भावना सकारात्मक छन्।”

छनोटको पूर्वसन्ध्यामा कप्तान नियुक्त भएपछि सावित्रामाथि नेतृत्वको जिम्मेवारी थियो। एन्फाले सुरुआतमा रेनुका नगरकोटीको नाम घोषणा गरे पनि अन्ततः सावित्रालाई कप्तान नियुक्त गरिएको थियो। यो परिवर्तनले केही विवाद र दबाब निम्त्याए पनि सावित्राले टिमको सहयोगमा आफू सफल भएको बताइन्।

सावित्राले पेनाल्टी सुटआउटको पराजयलाई दुर्भाग्यपूर्ण बताउँदै भनिन्, “५०/५० को मौका थियो, तर दुर्भाग्यले सफलता हात लागेन। भविष्यका लागि यो अनुभव शिक्षाप्रद हुनेछ।”

यस छनोटमा सावित्राले ९ गोल गर्दै आफ्नो व्यक्तिगत प्रदर्शनमा चमक देखाएकी थिइन्। तर, अन्ततः नेपाल दक्षिण एसियाबाट अस्ट्रेलिया जाने तेस्रो टोली बन्ने अवसर भारत र बंगलादेशलाई गुमाउँदै थुनियो।

उनले नेतृत्वको जिम्मेवारी पाउँदा केही दबाब महसुस गरेकी भए पनि, टोलीको समर्थन र मनोबलले आफ्नो कप्तानी सफल बनेको बताइन्। सावित्राले भने, “हाम्रो टिममा हरेक खेलाडीमा नेतृत्व क्षमता छ। कप्तान होस् या अन्य, सबैले समर्पणका साथ खेले।”

एएफसी छनोट नेपाली महिला फुटबलको इतिहासमा एउटा गहिरो मोड सावित भएको छ – जहाँ असफलता भए पनि नयाँ उचाइमा पुग्ने प्रेरणा लिएर टोली फर्किएको छ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
एनपीएलको उपाधि भिडन्त तय, साविक विजेता लुम्बिनी र सुदूरपश्चिम आमनेसामने
२०८३ मंग्सिर ४, शुक्रबार
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार