पुष्पसदन अन्तर्राष्ट्रिय विद्यालय चेस च्याम्पियनसिप सुरु

काठमाडौँ, पुस २७ गते । पुष्पसदन अन्तर्राष्ट्रिय विद्यालय चेस च्याम्पियनसिप शनिबारबाट सुरु भएको छ ।

किर्तीपुरको पुष्पसदन आवासीय माध्यमिक विद्यालयद्वारा आयोजित प्रतियोगिताको पहिलो दिन दोस्रो राउन्डको खेल समाप्तिसँगै आयोजक पुष्पसदन, अन्नपूर्ण मावि त्रियोग हाइस्कुल, स्वस्तीश्री गुरुकुलका खेलाडीले उत्कृष्ट प्रदर्शन गरेका छन् ।

प्रतियोगितामा भारतका नौसहित नेपालका विभिन्न विद्यालयमा दुई सय ५० जना खेलाडीको सहभागिता रहेको छ । तीन दिने प्रतियोगितामा यु–११, यु–१३ र यु–१५ छात्र छात्रामा प्रतिस्पर्धा हुनेछ ।