टोटनह्यामलाई २–१ गोल अन्तरले हराउदै आर्सनल दोस्रो स्थानमा उक्लियो

काठमाण्डौः इङलिश प्रिमियर लिग अन्तर्गत नर्थ लन्डन डर्बीमा आर्सनलले टोटनहमलाई २–१ गोल अन्तरले पराजित गर्दै लिगमा दोस्रो स्थानमा उक्लिएको छ ।

गएराती एमिरेट्स स्टेडियममा सम्पन्न खेलमा आर्सनलले महत्वपूर्ण जित निकालेको हो । खेलमा टोटनह्यामले खेलको २५औं मिनेटमा सन ह्युङ–मिनले गोल गर्दै अग्रता दिलाएपनि खेलमा आर्सनलले कमब्याक गरेको थियो ।

खेलको ४०औं मिनेटमा डोमिनिक सोलाङ्केले आत्मघाती गोल गरेपछि आर्सनल खेलमा फर्किएको तिह्यो । त्यसपछि लिन्ड्रो ट्रोसार्डले ४४औं मिनेटमा गोल गर्दै आर्सनललाई २–१ को अग्रता दिलाएका थिए । त्यसपछि दुबै टिमबाट थप गोल हुन सकेन र आर्सनल २–१ ले विजयी भयो ।

यो जितसँगै २१ खेलमा ४३ अंक जोडेको आर्सनल दोस्रो स्थानमा उक्लिएको छ र शीर्ष स्थानको लिभरपूलसँगको दूरी चार अंकमा सीमित गरेको छ ।

एक खेल कम खेलेको लिभरपूलको ४७ अंक रहेको छ । त्यसैगरी २१ खेलमा २४ अंकका टोटनह्याम भने १३औं स्थानमा रहेको छ ।