चाँदी तोलाको १२ सय २५ रुपैयाँ पुग्यो सुन कति पुग्यो …

काठमाण्डौंः सुनको मुल्य अहिलेसम्मकै उच्च भएको छ । नेपाली बजारमा सुनले दिनानुदिन नयाँ रेकर्ड बनाएसँगै सुन किनबेचमा पनि कमी आएको छ ।

आज तोलामा ३ सय रुपैयाँ बढेर सुनको भाउ तोलाको ९८ हजार ५ सय रुपैयाँ निर्धारण गरिएको नेपाल सुनचाँदी व्यवसायी महासङ्घले जनाएको छ ।

नेपाल सुनचाँदी व्यवसायी महासङ्घका अनुसार अन्तर्राष्ट्रिय बजारमा सुनको भाउ आज प्रति औंस ८ डलरले बढेको छ ।

आज सुन प्रति औंस १९ सय ५२ डलरमा कारोबार भएको छ । एक औंसमा दुई तोला साढे ६६ लाल सुन हुन्छ । सुनको भाउ बढे पनि चाँदी भने आज तोलामा २० रुपैयाँ घटेको छ । चाँदी आज तोलाको १२ सय २५ रुपैयाँमा झरेको महासङ्घले जनाएको छ ।