जर्मन बुण्डेस लिगामा बायर्न म्युनिख र बोरुसिया डर्टमण्डको संघर्षपूर्ण जित

काठमाडौं । जर्मन बुण्डेस लिगामा बायर्न म्युनिख र बोरुसिया डर्टमण्डले संघर्षपूर्ण जित निकालेका छन् । शनिबार राती भएको खेलमा बायर्नले घरेलु मैदानमा होल्स्टीन किलसँग ४-३ को संघर्षपूर्ण जित निकाल्यो ।

बायर्नलाई जिताउन ह्यारी केनले दुई गोल गर्दा जमाल मुसियाला र सर्ज ग्नब्रीले एक-एक गोल गरे । जवाफमा स्टेभेन स्कर्जयब्स्की र फिन पोरथले ३ गोल गोल फर्काए ।

बोरुसिया डर्टमण्डले एफसी हेडेनहाइमविरुद्ध २-१ को जित निकाल्दै १० औं स्थान ओगटेको छ । उसको २० खेलबाट २९ अंक भएको छ ।

शीर्ष स्थानको बायर्नको ५१ अंक भएको छ भने एक खेल कम खेलेको बायर लिभरकुजेनको ४२ अंक छ । जहाँ ९ अंकको दुरी कायम भएको छ ।