अन्तरविद्यालय स्केट प्रतियोगितामा ज्ञान संस्कार टिम च्याम्पियन

काठमाडौं । आयोजक ज्ञान संस्कार इन्टरनेसनल स्कुल दोश्रो ज्ञान संस्कार राष्ट्रिय अन्तरविद्यालय स्केट प्रतियोगितामा शनिबार ६१ अंकसहित टिम च्याम्पियन बनेको छ।

नेपाल स्केटिङ तथा स्केटबोर्डिङ संघ र नेपाल रोलबल संघको सहयोगमा भएको प्रतियोगितामा २७ अंकसाथ श्री शिवा दोश्रो र अलकापुरी तेश्रो भए।

सामाखुशीस्थित आयोजककै हातामा भएको प्रतियोगिताको प्रि स्कुलको गल्र्समा त्रिशा बजगाईं, यु–६ गल्र्समा स्वरा खनाल, ६–८ वर्ष गल्र्समा आर्या कार्की, ८–१० वर्ष गल्र्समा जियाना अर्याल र १२–१४ वर्ष गल्र्समा सान्भी श्रेष्ठले ज्ञान संस्कारलाई स्वर्ण दिलाए।

यस्तै, श्री शिवाका लागि यु–६ ब्वाइजमा साश्वतराज विडारी, ६–८ वर्ष गर्ल्समा केन्जो राई, ८–१० वर्ष ब्वाइजमा रेमन गुरुङ र १०–१२ वर्ष गल्र्समा आशिया तामाङले स्वर्ण जिते।