मंग्सिर ४, २०८३ शुक्रबार November 20, 2026

आहारारा पोखरा गोल्डकप : नेपाल पुलिस र ब्ल्याक बुल्स एफसीबीच फाइनल भिडन्त हुँदै

विजेताले १२ लाख र उपविजेताले ६ लाख रुपैयाँमा साथमा शिल्ड, ट्रफी र प्रमाणपत्रसहित पुरस्कृत गर्ने

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं, ३ फाल्गुन । सहारा क्लब पोखराको आयोजनामा जारी २४औं आहारारा पोखरा गोल्डकप फुटबलको फाइनल आज शनिबार हुँदैछ । उपाधिका लागि पोखरा रंगशालामा भिड्दैछन्, नेपाल पुलिस क्लब र उज्वेकिस्तानको ब्ल्याक बुल्स एफसी ।

विभागीय नेपाल पुलिस पोखरा रंगशालामा सर्वाधिक सफल टिम हो भने उज्जेकिस्तानी टिमको पहिलोपल्टको सहभागिता हो । दिउँसो २ बजेर ३० मिनेटमा सुरु हुने फाइनल प्रतिस्पर्धालाई पोखरेली दर्शक व्यग्ररुपमा प्रतीक्षारत् छन् ।

शुक्रबार प्रि–म्याच कम्फ्ररेन्समा दुवै टिमले फाइनल आफूले जित्ने दाबी गरे । उनीहरु खेल जितेर इतिहास रच्न चाहन्छन् ।

नेपाल पुलिसका प्रशिक्षक चेतन घिमिरेले आफूहरु फेरि पनि उपाधि जित्ने लक्ष्यका साथ प्रतिस्पर्धामा उत्रिने संचारकर्मीलाई बताए । क्याराभानसहित ६ पल्टको विजेता पुलिसले फाइनल जिते उपाधिमा रेकर्ड ब्रेक गर्नेछ । पुलिस समान मनाङ मस्र्याङ्दीले पनि आहारारामा ६ पटक नै उपाधि जितेको छ । तर यसपालि उसको उपस्थिति छैन ।

पुलिसका क्याप्टेन राम वाजीले आफ्नो टिमको रणनीतिअनुरुप खेल खेलेर उपाधि जित्ने लक्ष्य रहेको बताए । पुलिसले क्याराभानसहित आहारारा गोल्डकपको पहिलो, छैटौं, सातौं, आठौं र सोहौं संस्करण जितेको छ । सोहौं संस्करण २०७४ सालमा भएको थियो ।

पत्रकार सम्मेलनमा ब्ल्याक बुल्सका प्रशिक्षक अब्दुलाजिजले पुलिससँगको फाइनलमा कडा प्रतिस्पर्धामा हुने बताए । कप्तान जाखिरगिरले आफूहरु यहाँको मैदानमा फाइनल पर्खिरहेको बताए । नेपाली टिमको तुलनामा भने विदेशी यो टिमले पोखरा रंगशालामा हेर्नलायक खेल पस्किँदैआएको छ ।

ब्ल्याक बुल्सले क्वाटरफाइनलमा थण्डरबोल्ट नर्थ युनाइटेड क्लब, सिक्किमलाई ३–० ले पराजित गर्दै विजयी यात्रा सुरु गरेको थियो । दोस्रो सेमिफाइनलमा थ्री स्टार क्लबलाई ४–० गोलअन्तरले पराजित गर्दै फाइनल पुगेको हो । जबकि थ्रि स्टार ५ पटकको विजेता हो ।

पुलिसले उद्घाटन खेलमा आयोजक सहारा क्लबलाई १–०, क्वाटरफाइनलमा ब्रिगेड ब्वाइज क्लब युकेलाई २–० र सेमिफाइनलमा चर्च ब्वाइज युनाइटेड क्लबलाई १–० ले पराजित गरेको थियो । साविक विजेता त्रिभुवन आर्मी क्लब र साविक उपविजेता थ्रिस्टार उपाधि होडबाट बाहिरिएका हुन् ।

आयोजकले विजेताले १२ लाख र उपविजेताले ६ लाख रुपैयाँमा साथमा शिल्ड, ट्रफी र प्रमाणपत्रसहित पुरस्कृत गर्नेछ । त्यस्तै, उत्कृष्टलाई विधागत पुरस्कारसमेत प्रदान गरिने क्लब अध्यक्ष केशवराज बरालले बताए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार