असार २५, २०८२ बुधबार
July 9, 2025
युग खबर
२०७७ श्रावण १९, सोमबार
काठमाण्डौंः कर्मचारी सञ्चय कोषले प्रदान गर्ने कर्जाको भुक्तानी कनेक्टआइपीएस इपेमेन्ट प्रणालीमार्फत गर्ने व्यवस्था गरेको छ ।
सरल चक्रकर्जा, शैक्षिक सापटी, घर सापटी, घर मर्मत सापटी तथा विशेष सापटी लगायतका कर्जा भुक्तानीको संकलन सोझै हिमालयन बैंक, माछापुच्छ्रे बैंक तथा एनआईसी एसिया बैंकमा रहेको कोषको तोकिएको खातामा हुनेछ ।
यस डिजिटल माध्यमबाट कर्जा भुक्तानीको व्यवस्थासँगै सञ्चय कोषका विभिन्न कर्जाहरुको भुक्तानी अनलाईन माध्यममार्फत कनेक्टआइपीएसबाट सोझै यस प्रणालीमा आबद्ध ५५ वटा बैंक वित्तिय संस्थाहरुका खाताबाट गर्न सकिने कम्पनीले जनाएको छ ।
यसका निम्ति ऋणीले कनेक्टआईपीएस ई-पेमेन्ट प्रणालीमा आबद्ध गराई सदस्य बैंकमा रहेको खातालाई लिन्क तथा भेरिफाई गराई भुक्तानी गर्न सकिनेछ ।
कर्मचारी सञ्चय कोष तथा नेपाल क्लियरिङ्ग हाउस लिमिटेडबीच गत वर्ष श्रावणमा नेशनल पेमेन्ट्स इन्टरफेसको प्रयोग गरी बैंक खातामा आधारित डिजिटल भुक्तानी कारोबार गर्ने सम्झौता भएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया