मंग्सिर ४, २०८३ शुक्रबार November 20, 2026

झापा गोल्डकप : दार्जिलिङ पुलिस भारत ४–३ गोल अन्तरले पराजित

आयोजक भद्रपुर ब्लेजर्सको विजयी सुरुवात

शेयर गर्नुहोस:
फन्ट परिवर्तन गर्नुहोस: अ अ अ

बिर्तामोड, ७ फागुन । भद्रपुरको झापा गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको उद्घाटन खेलमा आयोजक भद्रपुर ब्लेजर्सले विजयी सुरुवात गरेको छ ।

भद्रपुरस्थित मेची रङ्गशाला बुधवार भएको उद्घाटन खेलमा पाहुना टोली दार्जिलिङ पुलिस भारतलाई ४–३ गोल अन्तरले पराजित गर्दै भद्रपुर क्वार्टर फाइनलमा प्रवेश गरेको हो ।

भद्रपुरकातर्फबाट खेलको तेस्रो मिनेटमानै विदेशी खेलाडी साम कार्लाेसले गोल गर्दै अग्रता दिलाउनुभएको थियो ।  ३९औँ मिनेटमा भद्रपुरका स्टाइकर मिलन राईले गरेको प्रहार दार्जिलिङका गोलकिपर निगम सिंहबाट रिबाउन्स भएको बललाई भद्रपुरका कप्तान आशिष चापागाईंले गोल गर्दै खेललाई २–० अग्रता दिलाउनुभयो ।

४२औँ  मिनेटमा भद्रपुरका सत्यम शर्माले मैदानको मध्यभागबाट उकल प्रयासमा गोल गर्नुभयो । यस्तै पहिलो हाफमा फितलो प्रदर्शन गरेको दार्जिलिङले दोस्रो हाफमा दबाबपूर्ण प्रदर्शन गरेको थियो ।

५०औँ मिनेटमा प्रशान्त राईले पेनाल्टी एरियामा पाएको पासमा गोल गर्नुभयो । ५५औँ मिनेटमा नयन प्रधानले अर्काे गोल थप्नुभयो । ७०औँ मिनेटमा दार्जिलिङका रूड गुलितले थप गोल गर्दै खेललाई ३–३ कोबराबरीमा ल्याउनुभयो ।

७२औँ मिनेटमा भद्रपुरका प्रताप राईले विशाल दर्जीको पासमा गोल गर्दै टोलीको जित सुनिश्चित गर्नुभयो । विजेता टोलीका आशिष चापागाईं म्यान अफ दी म्याच बन्नुभयो । उहाँले २१ हजार रुपियाँ पुरस्कार पाउनुभयो ।

गोल्डकपको राष्ट्रियसभा सदस्य तथा नेपाली कांग्रेसका नेता कृष्णप्रसाद सिटौलाले उद्घाटन गर्नुभयो । गोल्डकपको विजेताले १३ लाख रुपियाँ पुरस्कार पाउने आयोजकले जनाएको छ । प्रतियोगितामा नेपाल, भारत, बंगलादेश र भुटान गरी १० टोलीको सहभागिता छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार