मंग्सिर ४, २०८३ शुक्रबार November 20, 2026

च्याम्पियन्स लिगको रियल टोली रियल मेड्रिड

७१५ गोल विपक्षीको पोस्टमा प्रहार गर्ने बार्सिलोना तेस्रो स्थानमा

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । रियल मेड्रिडले मंगलबार राति च्याम्पियन्स लिगअन्तर्गत अन्तिम १६ को पहिलो लेग जित्दै क्वार्टरफाइनल पुग्ने संभावनालाई बलियो बनाएको छ ।
रियलले उसैको शहरको अर्को क्लब एटलेटिको मेड्रिडलाई २–१ ले हराएको थियो । दोस्रो लेग एटलेटिकोको मैदानमा हुनेछ । यदि, यो खेल बराबरी मात्रै खेले पनि रियल अन्तिम आठमा पुग्नेछ ।

च्याम्पियन्स लिगको इतिहास हेर्दा स्पेनी ला लिगा क्लब रियल साँच्चिकै रियल टोली बनेको छ । रियलले विभिन्न विधामा ऐतिहासिक कीर्तिमान बनाएको छ । जुन कीर्तिमानमा पुग्न अरु टोलीको लागि हालको अवस्थामा कठिन नै छ ।

५ सय खेल

च्याम्पियन्स लिगमा रियल ५ सय खेल खेल्ने पहिलो टोली हो । यस प्रतियोगितामा सर्वाधिक खेल खेल्ने सूचीमा बायर्न म्युनिख ला लिगा क्लबसँग धेरै पछाडि छ । जर्मन क्लब बायर्नले च्याम्पियन्स लिगमा ४०४ खेल खेलेको छ ।

रियलको ला लिगा प्रतिद्वन्द्वी टोली बार्सिलोना ३५७ खेल खेल्दै तेस्रो स्थानमा रहेको छ । यसपछि इटालियन क्लब युभेन्टस ३११ खेलसहित चौथो स्थानमा छ भने बेनफिका पाँचौं स्थानमा रहेको छ ।

३ सय जित

च्याम्पियन्स लिगको इतिहासमा ३ सय जित हासिल गर्नेमा रियल एक्लो टोली हो । दोस्रो स्थानमा रहेको जर्मन क्लब बायर्र्न म्युनिखले २४२ जित हासिल गरेको छ । बार्सिलोनाले २०९ जित हासिल गरेको छ ।

१५ ट्रफि

च्याम्पियन्स लिगमा सर्वाधिक उपाधि जित्ने टोलीमा समेत रियल अगाडि छ । सर्वाधिक उपाधि जित्ने सूचीमा दोस्रो स्थानको एसी मिलानको भन्दा रियलसँग ८ उपाधि बढी छ । रियलले सर्वाधिक १५ च्याम्पियन्स लिग उपाधि जितेको छ ।

१ हजार गोल

रियल च्याम्पियन्स लिगमा १ हजार गोल गर्नेमा हालसम्म एक्लो टोली हो । रियलले १ हजार १ सय ३ गोल गरेको छ । यस सूचीमा दोस्रो स्थानमा रहेको बायर्नले ८४८ गोल गरेको छ । जुन रियलभन्दा २ सय ५५ गोलले पछि हो । ७१५ गोल विपक्षीको पोस्टमा प्रहार गर्ने बार्सिलोना तेस्रो स्थानमा छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीको भारत भ्रमणबारे छलफल गर्न मन्त्रिपरिषद् बैठक बस्दै
२०८३ मंग्सिर ४, शुक्रबार
कम्पनीलाई वार्षिक विवरण र कर दाखिला गर्न पुस मसान्तसम्म समय थप
२०८३ मंग्सिर ४, शुक्रबार
उपत्यकामा ट्राफिक नियम उल्लंघन बढ्दो, एकैदिन ७२३ चालक कारबाहीमा
२०८३ मंग्सिर ४, शुक्रबार
मलेसिया जाने श्रमिकसँग यसरी असुलियो दुई अर्ब
२०८३ मंग्सिर ४, शुक्रबार
हरिबोधनी एकादशी आज, तुलसी विवाह गरी भगवान् विष्णुको पूजा गरिँदै
२०८३ मंग्सिर ४, शुक्रबार
राष्ट्र बैङ्कद्धारा आजका लागि विदेशी मुद्राको विनिमयदर सार्वजनिक
२०८३ मंग्सिर ४, शुक्रबार
मौसम पूर्वानुमान : कोशी–मधेशमा बदली, तराई र उपत्यकामा हुस्सु
२०८३ मंग्सिर ४, शुक्रबार